Ўзбекистонда замонавий бешкураш бўйича илк мусобақа ўтказилади
Ўзбекистонда замонавий бешкураш бўйича илк мусобақага 31 март куни старт берилади. Мазкур беллашувлар пойтахтимизнинг турли спорт саройларида ўтказилиши режалаштирилган.
Қиличбозлик беллашувлари «Пахтакор» марказий стадионининг “Ёшлик” спорт залида соат 09:00 дан 11:00 га қадар бўлиб ўтади.
Шу куннинг ўзида атлетлар пойтахтимиздаги “Ёшлик” соғломлаштириш-спорт комплекси (собиқ НБУ спорт мажмуаси)да мусобақани давом эттиради. Режага кўра, сузиш бўйича беллашув соат 12:00дан 14:00 гача, ўқ отиш ва югуриш бўйича балларни жамлаш эса 15:00-18:00 гача бўлиб ўтиши кўзда тутилган. От спорти бўйича ўтказиладиган беллашувлар 1 апрелга белгиланган.
Мусобақа якунлангач, Ўзбекистон замонавий бешкураш федерациясининг фаолияти тақдимоти ва замонавий бешкураш бўйича мамлакат чемпионатининг очилиш маросимига бағишланган тантанали маросим бўлиб ўтади.
Эслатиб ўтамиз, жорий йилнинг 10 февраль куни Ўзбекистон замонавий бешкураш федерацияси ташкил этилган эди.
Манба: qalampir.uz
Киритилди: 18:29, 29.03.2017. Ўқилди: 6378 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар