«Навбаҳор» Олий лига 4-тур ўйинлари доирасида Самарқандда “Динамо”га қарши ўйнади.
Учта турда 100 фоизли натижани намойиш этиб, мусобақа жадвалида карвонбошилик қилиб келаётган самарқандликларни “Навбаҳор” таслим этишга муваффақ бўлди.
Биринчи бўлим “лочинлар” устунлигида ўтди дейиш мумкин. Чунки қанотлардан ташкил этилган ҳужумлар ва дарвозага йўлланган зарбалар бўйича Мўминжонов шогирдлари рақибдан устун келишди. 15- дақиқага келиб Ойбек Қиличев ҳисобни очишга муваффақ бўлди. Марказга яқин жойда тўпни қабул қилиб олган Қиличев дарвозабон билан яккама-якка вазиятга чиқди ва Наумовни доғда қолдирди.
Голдан сўнг “Динамо” вазиятни ўнглаш мақсадида бир нечта хавфли ҳужумларни ташкил қилди, аммо ҳимоячилар бехато ҳаракат қилишди ва гол ўтказилишига йўл қўйишмади. Бўлим охиригача ушбу ҳисоб сақланиб қолди.
Беллашувнинг иккинчи ярми эса тенг курашларда ўтди. “Навбаҳорчилар” асосан қарши ҳужумни пойлаб, рақиб дарвозаси олдида хавф яратишди. “Динамо” ҳам ўз майдонида очко йўқотмаслик мақсадида кўп ҳужумлар ташкил қилди, аммо рақибнинг зарбалари ноаниқ чиқаверди.
Учрашув охирида меҳмонлар иккинчи голни ҳам уришга яқин келишганди. Қарши ҳужумда Дилшод Жабборов дарвозабон билан деярли яккама-якка вазиятга чиқди, аммо Наумов маҳорат кўрсатди. Қолган дақиқаларда 0:1 ҳисобини ўзгармай қолди.
Шу тариқа “Навбаҳор” мавсумда мағлубият нималигини билмай келган “Динамо”ни сафарда таслим этди.
Олий лига, 4-тур
“Динамо” – “Навбаҳор” 0:1 (0:1). 31 март. Самарқанд. “Динамо” ўйингоҳи.
Гол: О. Қиличев (15).
Ҳакамлар: В. Цейтлин, А. Калинин, Б. Қосимов, Ф. Норсафаров.
Назоратчи – Ш. Жумаев.
“Динамо”: 1. Михаил Наумов, 2. Миркомил Локаев, 3. Бунёд Исроилов, 8. Жасур Азимов, 9. Сардор Сулаймонов (20. Амиржон Сафаров, 64), 10. Жавоҳир Қаҳрмонов, 14. Раду Рогак, 15. Шохруҳ Холматов (11. Абдумалик Абдуллаев, 50), 18. Дамир Низанов (6. Акмал Бозоров, 83), 19. Ориф Мамажанов, 22. Абдужамол Исроилов.
“Навбаҳор”: 30. Асилбек Аманов, 2. Алишер Саматов (20. Алишер Мирзаев, 67), 4. Аббос Отахонов, 5. Ғиёс Комилов, 7. Ойбек Қиличев (40. Дарко Станоевич, 75), 9. Дилшод Жабборов, 19. Мирзоҳид Ғофуров, 21. Аъзам Алиев (22. Рўзимбой Аҳмедов, 52), 32. Жаҳонгир Меҳмонов, 77. Азизбек Турғунбоев, 84. Неманья Йованович.
Огоҳлантириш: Ш. Холматов (40), Ж. Қаҳрамонов (90) - Ғ. Комилов (24), М. Ғофуров (40), Ж. Меҳмонов (54), Н. Йованович (81).
Четлатиш: О. Қиличев (76).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
