Алваро Мората “Леганес” билан ўйинда хет-трик қайд этган иккинчи испаниялик ўйинчи бўлди. Бундан олдинги натижани Раул қайд этганди. Мората бир мавсумда гол уриш бўйича ўз рекордини янгилади. Шундай бўлса-да, Мората ўйнашдан кўра захирада кўпроқ ўтирмоқда.
Ҳужумчи “Атлетико”да фаолиятини бошлаган. Ўзининг 24 ёшида “Реал” ва Испания терма жамоасида ҳақли равишда ўйнамоқда. Бенземадан яхшироқ ўйнаётган бўлса-да, захира ўриндигъида қолмоқда. У “Реал”да икки марта пайдо бўлди. Биринчи маротаба захирадан чиқиб, ҳал қилувчи голлар киритган бўлса-да, ишонч қозона олмади. Испания ёшлар терма жамоасидаги дастлабки 13 та ўйинида 11 та гол урган.
Ҳар бир имкониятдан унумли фойдаланса-да, барибир, кейинги ўйинда захира ўриндигъида қолмоқда. Ўйинчига на Жозе Моуриню, на Карло Анчелотти ишонишди. Ёзда “Реал” раҳбариятига “Ювентус”дан таклиф келди. Мората ўйлаб ўтирмасдан розилик билдирди. Моратанинг гапларига қараганда, “Биринчидан, “Ювентус” бой тарихга эга ва гранд жамоа ҳисобланади. Иккинчидан, жуда ҳам кам майдонга чиқардим. Туринликлар мени тезроқ сотиб олишларини кутиб турардим. Бироқ трансфер амалга ошиши қийин кечди. Нима бўлганда ҳам мен Туринга келдим ва мен шу ерда”.
Мората “кекса синёралар” сафида тажрибали Карлос Тевез билан бирга тўп сурди. Унинг, айниқса, “Реал” дарвозасига Чемпионлар лигасида урган дубли эвазига финалга олиб чиққани, “Милан” билан Италия кубоги финалида ҳал қилувчи голлари эсда қолди. Мората Касилясни хафа қилганидан сўнг мухлислар ўзларини тута олишмади ва Моратага ҳуштакбозлик қилишди. Гарчи Мората гол урганини нишонламаган бўлса-да. “Ҳуштакбозликка келсак, мен бу муносабатга лойиқ эмасдим деб ўйлайман. Менга осон эмасди”, дейди у бу ҳақда.
Икки йил давомида испаниялик ҳужумчининг тажрибаси анчагина ошди. Ҳужумчини дарров қайтариш керак эди ва “Реал” қайтарди. Айёр Перес Моратани сотишдан олдин шартномасига сотган суммасидан 10 млн ортиқроқ сумма ёзиб қўйганди. Мората Туринда анча йилга қоладиганини маълум қилган бўлса-да, “Реал”га иккинчи маротаба қайтишдан бош торта олмади.
Иккинчи қайтишида Моратанинг биринчи матбуот анжуманида айтган гаплари: “Мен икки йил олдинги Мората эмасман. Анчагина тажрибага эга бўлдим. Италияда бир нечта кубоклар соҳиби бўлдим, жамоа билан Чемпионлар лигаси финалигача етиб бордим ва кўп ҳал қилувчи голлар урдим. Ана энди “Реал”да ўйнашимдан гъурурлансам ҳам бўлади. Ҳақли равишда бу жамоа либосини киймоқдаман”.
Флорентино Перес ҳам унинг гапларини таъкидлаб ўтди: “Бизнинг жамоада яна бир ёш голеадор тўп суради. Энг асосийси, Мората биз учун бегона эмас. У бу ерда қандай ишлаш кераклигини жуда яхши билади”.
Моратанинг тажриба орттириб келгани билинмаётгандек. Зидан ҳали ҳам уни захирада сақламоқда. Моратага гол уриши учун 88 дақиқа керак бўлса, Бенземага 167 дақиқа керак. Лекин шундоқ ҳам Бензема асосий таркибда. Қишда Мората “Стемфорд Бриж”га ўтиши ҳақидаги миш-мишлар тарқалди. Агар Зидан бош мураббий бўлиб қолса, Мората кетиши аёндир. “Ҳаммаси жонимга тегди: захирадан тушиб гол уриш, ўйин вақтим камлиги, менинг кайфиятим ёмонлигига жавоб бериш”.
Тушунарсиз ҳолат кўп бўлса-да, Моратанинг томирларида “қироллик клуби” қони оқмоқда. “Ёшлигимда мен отамга ваъда берганман “Реал”да тўп сураман деб. Бу ишониб бўлмас ҳолат, жаҳон юлдузлари билан бирга тўп суриш ва машгъулот ўтказиш”, дейди Мората.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Насаф
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
