Дель Пьеро бир пайтлар Чемпионлар лигаси финали «Ювентус» учун қарғиш теккан ўйин, деганди. Бугунги саҳифамизда унинг сўзларининг 7та исботини келтириб ўтамиз.
1973: «Аякс» — «Ювентус» 1:0
Афсонавий Круифф ва Неэскенснинг «Аякс»и Чемпионлар кубогини кетма-кет 3 марта ютиш учун Белградга келади ва «Юве» устидан 1:0 ҳисобида ғалаба қозонади. Ягона голни Жонни Реп уради.
1983: «Гамбург» — «Ювентус» 1:0
Ўн йил ўтар-ўтмас «Ювентус» Дзофф, Шире ва Платини билан бирга яна финалга қайтадилар. Бироқ мана шундай кучга эга бўла туриб «Юве» Афинада «Гамбург»дан мағлубиятга учрайди. Феликс Магат урган чиройли голи билан «Гамбург»ни чемпион қилади.
1997: «Боруссия Дортмунд» — «Ювентус» 3:1
«Юве» Мюнхенга чемпионликни ҳимоя қилиш учун келади (ҳа, ҳа, туринликлар мағлуб бўлмаган финаллар ҳам бўлган), бироқ 20 ёшли Ларс Рикеннинг супер голи ва Карл-Хайнс Ридлнинг дубли дортмундликларнинг ғалабасини таъминлайди.
1998: «Ювентус» — «Реал» 0:1
Марчело Липпи жамоаси финалга фаворит сифатида ташриф буюради, Дель Пьеро ва Инзаги ўша пайтда Европанинг энг кучли ҳужум жуфтлиги саналиб келаётган эди. Шундай бўлса-да, «Юве»нинг омадсиз финаллари давом этади ва ғалаба келтирувчи голни «Реал» сафидаги ўйинчи Предраг Миятович чиройли тарзда уради ва «қироллик клуби» чемпионликни нишонлайди.
2003: «Ювентус» — «Милан» 0:0 (2:3 пен)
Бу ўйинни охирги 20 йилнинг энг зерикарли финали деб ҳисоблашди. Ўйин пеналтилар церийаларигача етиб боради. Трезеге, Салаета ва Монтеро пеналтида хатога йўл қўйгач, «Олд Траффорд»да «Милан» чемпионликни нишонлайди.
2015: «Ювентус» — «Барселона» 1:3
Атиги икки йил олдин «Ювентус»нинг марказий ярим ҳимоясида Пирло, Погба ва Видал жуфтлиги ҳаракат қилишарди. Финал жуда ҳам қизиқарли тарзда ўтди, ғалабани эса «Барса»га МСН таъминлаб берди.
2017: «Ювентус» — «Реал» 1:4
Икки йилдан сўнг «Ювентус» яна Чемпионлар лигаси финалига қайтди ва Кардиффда Испаниянинг бошқа клубига мағлуб бўлди.
«Ювентус»га 9 та финалдан 2 тасида омад кулиб боққан, 1985 йилда «Ливерпул»ни 1:0 ҳисобида ва 1996 йилда «Аякс»ни (1:1) пеналтилар сериясида 4:2 ҳисобида мағлубиятга учратган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
