"Олмалиқ" назорат ўйинида "Торпедо-БелАЗ" билан баҳслашади
23 июль куни "Олмалиқ" Беларуснинг "Торпедо-БелАЗ" клубига қарши ўртоқлик ўйинини ўтказади.
Ўзбекистонлик мухлисларга яхши таниш мутахассис Игорь Криушенко бош мураббийлигидаги "Торпедо-БЕЛАЗ" жамоасига қарши ўтадиган назорат ўйини Беларусда ташкиллаштирилаётган тўртинчи баҳс ҳисобланади.
Айни дамда рақиб устози мамлакат бош терма жамоаси мураббийи ҳамдир. Жодино клуби расмий сайтидаги хабарга кўра Игорь Криушенко "Олмалиқ" билан ўйиндан сўнг, клубдаги ўрнини Андрей Зигмантовичга бўшатиб беришини маълум қилган.
Бу жамоа Беларус футболида ўз ўрнига эга жамоа ҳисобланади. Жорий мавсумда "Торпедо-БЕЛАЗ" 7-ўринда бормоқда. Ўтган мавсумда бу жамоа Беларус кубоги соҳибига айланган ва Европа Лигаси баҳсларида иштирок этган.
Жодино шаҳрида ўтадиган бу учрашув маҳаллий вақт билан 17:00да бошланади.
Манба: fc-olmaliq.uz
Киритилди: 11:19, 23.07.2017. Ўқилди: 2606 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар