International Champions Cup мусобақаси доирасида «Манчестер Сити» ва «Реал Мадрид» жамоалари ўртасидаги ўйин якунгига етди. Кутилмаганда, ЕЧЛнинг амалдаги ғолиби Гвардиола жамоасига йирик ҳисобда имкониятни бой берди.
Биринчи бўлимда ҳар иккала жамоа асосий таркиб билан ҳаракат қилди. Тенгма-кет кечган баҳснинг танаффусига қадар ҳисоб очилмади.
Иккинчи бўлимда эса манчестерликлар тўла устунликка эришишди. Айниқса, "шаҳарликлар" стандарт вазиятлардан самарали фойдаланишди. Дастлаб бурчакдан етказилган узатмага Стоунз бош билан зарба берди. "Реал" дарвозабони тўпни ушлаб қола олмади ва Отаменди бўш дарвозани осонлик билан ишғол қилди.
Орадан кўп ўтмасдан Кевин де Брюйненинг узатмасидан кейин Стерлинг бирга бир вазиятга чиқиб кетди ҳамда Касильяни доғда қолдирди. Шундан кейин Зидан ёшларга эътибор қарата бошлади, Гвардиола ҳам бошқа футболчиларга ўйнаш имкониятини берди.
Шунга қарамай, тўп назорати "Сити" томонида бўлди ва навбатдаги бурчак тўпидан сўнг Стоунз "Мадрид" дарвозасини ишғол қилди. Баҳс тугашига 9 дақиқа қолганида "Манчестер Сити" чиройли комбинация ташкил қилди ва Иброҳим Диас жарима майдончаси ташқарисидан Месси услубида гол урди.
Ўйиннинг сўнгги дақиқасида "Реал" футболчиси Оскар 35 метрлардан жуда чиройли зарба билан жамоасини хунук мағлубиятдан бироз бўлса-да сақлагандек бўлди.
International Champions Cup
МАНЧЕСТЕР СИТИ Англия – РЕАЛ МАДРИД Испания 4:1 (0:0, 4:1)
27 июль, 08.35, «Los Angeles Memorial Coliseum»
Голлар: 1:0 – 52 Отаменди, 2:0 – 59 Стерлинг, 3:0 – 67 Стоунз, 4:0 – 82 Браим Диас, 4:1 – 90 Оскар Родригес.
Манчестер Сити – Эдерсон (Гримшоу, 80), Уокер (Дьюэйни, 70), Компани (Мангаля, 46), Стоунз, Данило (Сане, 80), де Брюйне (Зинченко, 69), Туре (Робертс, 80), Фоден (Насри, 46), Отаменди (Адарабиойо, 80), Габриэл Жезус (Браим Диас, 69), Агуэро (Стерлинг, 46).
Реал Мадрид – Навас (Касилья, 46), Варан (Вальехо, 62), Начо (Асенсио, 62), Марсело (Хакими, 62), Карвахаль (Техеро, 63), Каземиро (Тео, 62), Модрич (Оскар Родригес, 62), Иско (Себальос, 62), Ковачич (Васкес, 62), Бэйл (Маркос Льоренте, 61), Бензема (Майораль, 62).
Огоҳлантиришлар: Туре (29), Начо (33), Карвахаль (41), Насри (88).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
