Хитой сўнгги икки йил давомида мамлакатда футболни янада ривожлантириш мақсадида бир қатор янгиликларни амалга оширди.
Жумладан, маҳаллий суперлига жамоалари футболчилар харидига Европанинг манаман деган клубларидан ҳам кўпроқ маблағ сарфлашди.
Бироқ хитойлик сармоядорлар бошлаган ишнинг охири бахайр бўлмаслиги мумкин. Чунки олинган сўнгги маълумотларга кўра, суперлиганинг 13 клуби футболчиларнинг маоши ва мукофот пулларидан катта қарздорликка кириб қолган.
Хусусан, «Шанхай СИПГ» ва «Тяньцзинь Цюаньцзянь» бу борада етакчилик қилишмоқда.
Ушбу жамоалар 15 августга қадар Хитой футбол ассоциациясига қарзлардан тўлиқ қутулишганини исботловчи ҳужжатларни топширишлари керак бўлади. Агар қўйилган талаб берилган муддат мобайнида бажарилмаса, қарздор клублар келаси мавсум чемпионат ўйинларидан четлатиладилар.
Ачинарлиси, ушбу клублар орасида Ўзбекистон миллий термаси сардори Одил Аҳмедов тўп сурадиган «Шанхай СИПГ» ҳам бор. Бундан ташқари, суперлиганинг амалдаги чемпиони «Гуанжоу Эвергранд Таобао» жамоаси ҳам футболчиларнинг мукофот пулларини ўз вақтида тўлай олмаган.
Асосийси, қарзи бор клублар рўйхатидан Ўзбекистон термасининг асосий ҳимоячиларидан бири Анзур Исмоилов тўп сурадиган «Чанчунь Ятай», шунингдек, дунёда энг кўп маош ишлаб топадиган футболчи Эсекиэль Лавесси («Хэбей Чайна Форчун»), аргентиналик машҳур ҳужумчи Карлос Тевес («Шанхай Шэнхуа») ва бельгиялик таниқли ярим ҳимоячилардан бири Аксель Витцел («Тянжин Куанжиан») ўйнаётган жамоалар номи ҳам тилга олинган. Миллий термамиз шарафини ҳимоя қиладиган Егор Кримецнинг клуби «Пекин Гуоан» эса қарздорлар рўйхатига киритилмади.
Маълумот ўрнида, юқорида номи қайд этилган футболчилар Хитойда легионер мақоми остида тўп суришади. Хорижлик футболчилар шу кунгача мунтазам равишда маҳаллий футболчилардан кўпроқ маош олиб келишган.
Трансфер маълумотлари билан шуғулланишга ихтисослашган www.transfermarkt.co.uk сайти маълумотларига таянадиган бўлсак, 2017 йил 31 июль ҳолатига кўра, Хитой суперлигаси учун 512 футболчи рўйхатдан ўтказилиб, шулардан 87 нафари (17%) легионерлардир. Ўйинчиларнинг ўртача ёши 26,6ни, жами футболчиларнинг умумий нархи эса 337,28 млн. фунт стерлингни ташкил этади. Хитойликлардан Ву Лей («Шанхай СИПГ») 13та гол билан тўпурарлик пойгасида 2-ўринда бораётган бўлса, Као Юндионг («Шанхай Шеньхуа») ассистентлар орасида пешқадамликни сақлаб турибди.
Хитой суперлигасининг жорий мавсумида (2017) рўйхатга киритилган легионерлар
|
Клуб
|
Осиёлик бўлмаган легионерлар
|
Осиёлик легионер
|
Хорижлик бошқа футболчи*
|
Бош мураббийи
|
|
Пекин Гуоан
|
Ренато Аугусто (Бразилия); Ральф (Бразилия); Жонатан Сориано (Испания); Бурак Йилмаз (Туркия)
|
Егор Кримец (Ўзбекистон)
|
-
|
Рожер Шмидт (Германия)
|
|
Чанчунь Ятай
|
Маринью (Бразилия); Бруно Менегел (Бразилия); Шаболш Хусти (Венгрия); Одион Игало (Нигерия)
|
Анзур Исмоилов (Ўзбекистон)
|
-
|
Чен Жинганг
|
|
Чонгконг Лифан
|
Фернандинью (Бразилия); Хюри (Бразилия); Алан Кардек (Бразилия); Горан Милович (Хорватия)
|
Жунг Ву Юнг (Ж.Корея)
|
-
|
Чанг Воэ Рйонг (Ж.Корея)
|
|
Гуанжоу Эвергранд
|
Алан Карвалью (Бразилия); Рикардо Гуларт (Бразилия); Мурикуи (Бразилия); Паулиньо (Бразилия)
|
Ким Йонг Гвон (Ж.Корея)
|
Жексон Мартинес (Колумбия); Ким Хюнг Ил (Ж.Корея)
|
Луиш Фелипе Сколари (Бразилия)
|
|
Гуанжоу РФ
|
Ренатиньо (Бразилия); Жуниор Урсо (Бразилия); Солви Оттесен (Исландия); Эран Захави (Исроил)
|
Апастолос Жианноу (Австралия)
|
Жанг Хюн Су (Ж.Корея)
|
Драган Стойкович (Сербия)
|
|
Гуижоу Чжичен
|
Никица Елавич (Хорватия); Тьаронн Чери (Голландия); Рубен Кастро (Испания); Марио Суарес (Испания)
|
Райан Макгован (Австралия)
|
Али Ғазал (Миср); Майкл Олунга (Кения)
|
Грегорио Мансано (Испания)
|
|
Хэбэй Чайна Форчун
|
Эзекиэль Лавесси (Аргентина); Алоизио (Бразилия); Стефан Мбиа (Камерун); Жервиньо (Кот д`Ивуар)
|
Ким Жу Йонг (Ж.Корея)
|
Эрнанес (Бразилия)
|
Мануэль Пеллегрини (Чили)
|
|
Хенань Жианье
|
Кристиан Бассогог (Камерун); Борек Докаль (Чехия); Эдди Гомес (Гвинея-Бисау); Рикардо Важ Те (Португалия)
|
Аҳмад ал Солиҳ (Сурия)
|
Хавьер Патино (Филиппин)
|
Ясен Петров (Болгария)
|
|
Жиангсу Сунинг
|
Рамирес (Бразилия); Алекс Тейшейра (Бразилия); Бенжамин Муканжо (Камерун); Рожер Мартинес (Колумбия)
|
Трент Сэйнсбери (Австралия)
|
Хонг Жеонг Хо (Ж.Корея)
|
Фабио Капелло (Италия)
|
|
Ляонинг
|
Кристиан Бекаменга (Камерун); Оливье Бумаль (Камерун); Ассани Лукимия (Конго ДР); Антони Ужа (Нигерия)
|
-
|
Жеймс Холланд (Австралия); Робби Круз (Австралия); Жеймс Чаманга (Замбия)
|
Ма Лин
|
|
Шандонг Луненг
|
Жиль (Бразилия); Диего Тардели (Бразилия); Грациано Пелле (Италия); Паписс Сиссе (Сенегал)
|
-
|
-
|
Феликс Магат (Германия)
|
|
Шанхай Шеньхуа
|
Карлос Тевес (Аргентина); Фреди Гуарин (Колумбия); Жованни Морено (Колумбия); Обафеми Мартинс (Нигерия)
|
Ким Ки Хи (Ж.Корея)
|
-
|
Густаво Пойет (Уругвай)
|
|
Шанхай СИПГ
|
Элкесон (Бразилия); Халк (Бразилия); Оскар (Бразилия); Рикардо Карвалью (Португалия)
|
Одил Аҳмедов (Ўзбекистон)
|
-
|
Андре Виллаш Боаш (Португалия)
|
|
Тянжин Куанжиан
|
Алекс Витсель (Бельгия); Алешандро Пато (Бразилия); Антони Модест (Франция)
|
Квон Кюнг Вон (Ж.Корея)
|
Жеуванью (Бразилия); Жуниор Мораеш (Бразилия)
|
Фабио Каннаваро (Италия)
|
|
Тянжин Тэда
|
Франк Ачеампонг (Гана); Жон Оби Микель (Нигерия); Мбайе Диань (Сенегал); Неманья Гудеж (Сербия)
|
Хванг Сеок Ху (Ж.Корея)
|
Браун Идейе (Нигерия)
|
Ли Лим Саенг (Ж.Корея)
|
|
Янбян Фуде
|
Вальдет Рама (Албания); Бубакарр Травалли (Гамбия); Рихард Гузмич (Венгрия); Никола Петкович (Сербия)
|
Хванг Ил Су (Ж.Корея)
|
Ким Сеунг Даэ (Ж.Корея); Юн Бит Гарам (Ж.Корея)
|
Парк Тае Ха (Ж.Корея)
|
Изоҳ: * - чемпионатнинг биринчи даврасида ўйнаган ва жамоани айни пайт тарк этган ёки захира футболчи сифатида рўйхатга олинган футболчилар.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Шўртан
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
