Хабарингиз бор, Ўзбекистон футбол ассоциацияси майдонида ЎФА тавсиясига биноан Тошкент шаҳар футбол федерацияси ташаббуси билан 2004 йилда таваллуд топган футболчилар ўртасида "Наврўз фестивали" турнири ўтказилмоқда. Бугун ҳам иккита учрашув ташкиллаштирилди.
Аввалига майдонда Намангандан келган "Odil Junior" пойтахтнинг “Спартак” жамоалари ўзаро куч синашишди. Деярли тенг курашлар остида кечган ўйинда юзага келган вазиятлардан унумли фойдаланган пойтахтликлар йирик ҳисобда ютуққа эришишди.
Иккинчи ўйин “Бунёдкор” ва “Насаф” футбол академиялари ўртасида кечди. Ўз омадларини рақиблар жарима майдони ичидан излаган қаршиликлар биринчи бўлиб ҳисобни очишди ҳам. Аммо кўп ўтмай ўз жарима майдони ичида ўйин қоидасини бузишди ва ёш “қалдирғочлар” пенальтидан ҳисобни тенглаштиришди.
Иккинчи бўлим янада қизиқарли ўтди. “Бунёдкор” ёшлари рақиб билан икки-уч бор яккама-якка қолган ҳолда гол уришнинг уддасидан чиқа олмаган бўлса, “Насаф” аъзолари шунча маротаба рақиб жарима майдони атрофида жарима тўпи тепиш имкониятига эга бўлишди, бироқ зарбаларни голга айлантира олишмади.
Эслатиб ўтамиз, мазкур жамоалар ўртасидаги учрашувларни 14 ёшли ўсмирлар терма жамоаси бош мураббий Азамат Абдураимов бошчилигидаги селекционерлар кузатиб боришмоқда. Мақсад, ўсмирлар терма жамоасига номзодлар саралаб олиш ва келаси йили ўтадиган Осиё чемпионатида муносиб иштирок этиш.
22 март.
"Спартак" - "Odil Junior" – 4:1
"Бунёдкор" - "Насаф" – 1:1
24 март.
"Пахтакор" - "Odil Junior"
"Локомотив" - "Насаф"
Матнда хатолик топсангиз, ўша хатони белгилаб, бизга жўнатинг (Ctrl + Enter).