Анча шов-шувга сабаб бўлган Суперлига мавсуми бошланганига ҳам салкам бир ой бўлмоқда.
Дастлабки уч тур мусобақа қонун-қоидасига кескин ўзгартиришлар киритилганлиги, мусобақа Регламенти янгича талқин қилинганлиги бежиз эмаслигини исботлади. Футболимизнинг янада ривож топа бошлаганлигини жамоалар сони қисқаргач чинакам рақобат юзага келганлигидан, футболчиларда ғалабага бўлган шижоат янада ортганлигидан, клублар Профессионаллик сари қоғозда эмас, амалда интилаётганлигидан, стадионларга мухлислар мажбурликдан эмас, ихтиёрий равишда шошаётганлигидан пайқаш мумкин бўлмоқда.
Суперлига катта йўлга чиқиб олди, навбат Про-лига, аёллар футболи ва футзал мусобақаларига келмоқда. Демак, бу йўналишда ҳам маълумотлар бериш пайти келди. Мавзуни “Металлург” клуби билан бошлаймиз.
Аёллар футболи бўйича:
Жамоанинг расмий номи - “Металлург-woman”. 2013 йилда ташкил топган. Жамоа машғулотлар ўтказиш, яшаш ва овқатланиш учун база сифтида Бекободдаги “Металлург” стадионидан фойдаланади. Бунинг учун барча шароитлар яратилган. Уй учрашувларини А.Анохин номидаги ҳамда “Металлург” стадионларида ўтказади. Футболчилар барча керакли жиҳозлар, спорт кийимлари билан таъминланган. Жамоа фойдаланиши учун Ўзметкомбинат томонидан “Исузи” автобуси бириктирилган.
Жамоа бош мураббийи Аваз Максумов. Дарвозабонлар мураббийи Илҳом Хамзалиев. Жамоа бошлиғи Равшан Холиқов.
“Металлург” қизларининг янги мавсумдаги ният ва мақсадлари – фақат чемпионлик ва Ўзбекистон Кубоги соҳиби бўлиш.
Футзал бўйича:
Жамоанинг расмий номи “Металлург”. 2016 йилда ташкил топган. Барча шароитларга эга бўлган “Металлург” футбол клуби базасидан фойдаланади.
Суперлигада рақибларини Бекобод шаҳридаги “Ёшлик” спорт залида қабул қилади. Футболчилар барча керакли жиҳозлар ва спорт кийимлари билан таъминланган. Жамоага Ўзметкомбинат томонидан микроавтобус бириктирилган.
Жамоа бош мураббийи мамлакат терма жамоасида узоқ йиллар тўп сурган Николай Одушев. Футзал клуби спорт директори Сергей Курочкин, техник директори Жўра Шоймардонов, катта мураббий Роман Соколовский. Жамоанинг бу йилги мақсади кучли олтиликка кириш.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
