Тошкент вилояти дербиси ҳамиша муросасиз ўтиб келган. Мамлакат XXVII миллий чемпионати Супер Лигасининг 11-туридан ўрин эгаллаган ўйин ҳам бундан мустасно бўлмади.
Учрашувнинг дастлабки дақиқалариданоқ жамоалар очиқ ўйин намойиш этишга бел боғлаганликларини яширишмади.
Биринчи тайм аввалида ташаббус меҳмонлар томонида бўлди. Қарийб ўн дақиқа мобайнида “Металлург” футболчилари ҳимояланишга мажбур бўлишди. Шундай ҳужумлардан бирида мезбонлар посбони Жавоҳир Илёсов жамоасини муқаррар голдан қутқарди.
Тайм ўрталаридан бошлаб ҳудудий устунлик мезбонлар томонига ўтди. Бироқ комбинацияларни тугатишда АГМКга аниқлик етишмади. Бир сафар Исломбек Исоқжоновнинг жаримадан тепган тўпи дарвоза тўсинига тегиб майдон ташқарисига чиқиб кетди.
Биринчи бўлим анча кескин курашларга бой бўлди. Шундай тўқнашувлардан бирида жароҳат олган “Металлург” сардори Аброр Ҳусинов муддатидан олдин ўрнини Дилёрбек Ирматовга бўшатиб беришга мажбур бўлди.
Иккинчи таймда ҳам ўйин сценарийси ўзгармади. Ҳар иккала жамоа ғалаба иштиёқида майдонда тўп сурди, бироқ ҳужумларни якунлаш борасида оқсашди. Учрашувда дуранг натижа қайд этиладигандек кўринганди. Аммо учрашув тугашига беш дақиқа қолганда стандарт вазият меҳмонлар учун омадли бўлди. Бурчакдан тўп ўйинга киритилганда шамол тўпнинг йўналишини ўзгартирди ва Владимир Бубаньяга келиб тушди. Унинг енгил уринишидан кейин тўп дарвоза чизиғини кесиб ўтди – 0:1.
“Металлург” – АГМК – 0:1 (0:0). Бекобод. “Металлург” стадиони. 10.05.2018 йил. 8047
Гол: Владимир Бубанья (85).
“Металлург”: Жавоҳир Илёсов, Аббосжон Отахонов, Шаҳзод Шайманов, Забихилло Ўринбоев, Исломбек Исоқжонов, Зоҳид Абдуллаев, Шерзод Файзиев, Акбаржон Исматуллаев, Муҳаммад Исаев (Суҳроб Нуруллоев,), Аброр Хусинов (Дилёрбек Ирматов,), Павел Смоляченкло.
АГМК: Павел Матяш, Абдуқаҳҳор Ҳожиакбаров, Хуршидбек Мухторов (Қаҳрамон Баҳодиров,), Дилшод Жўраев, Шоҳназар Норбеков (Зафар Полвонов,), Лутфилло Тўраев, Владимир Бубанья, Владислав Косминин, Йован Жокич,Жавлон Гусейнов, Вадим Чемиртан.
Огоҳлантиришлар: Шаҳзод Шайманов (23), Акбар Исматуллаев (54), Суҳроб Нуруллоев (72), Аббосжон Отахонов (75), Павел Смоляченко (90+2) – Хуршидбек Мухторов (18), Йован Жокич (55), Жавлон Гусейнов (82).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
