Toshkent viloyati derbisi hamisha murosasiz o‘tib kelgan. Mamlakat XXVII milliy chempionati Super Ligasining 11-turidan o‘rin egallagan o‘yin ham bundan mustasno bo‘lmadi.
Uchrashuvning dastlabki daqiqalaridanoq jamoalar ochiq o‘yin namoyish etishga bel bog‘laganliklarini yashirishmadi.
Birinchi taym avvalida tashabbus mehmonlar tomonida bo‘ldi. Qariyb o‘n daqiqa mobaynida “Metallurg” futbolchilari himoyalanishga majbur bo‘lishdi. Shunday hujumlardan birida mezbonlar posboni Javohir Ilyosov jamoasini muqarrar goldan qutqardi.
Taym o‘rtalaridan boshlab hududiy ustunlik mezbonlar tomoniga o‘tdi. Biroq kombinasiyalarni tugatishda AGMKga aniqlik yetishmadi. Bir safar Islombek Isoqjonovning jarimadan tepgan to‘pi darvoza to‘siniga tegib maydon tashqarisiga chiqib ketdi.
Birinchi bo‘lim ancha keskin kurashlarga boy bo‘ldi. Shunday to‘qnashuvlardan birida jarohat olgan “Metallurg” sardori Abror Husinov muddatidan oldin o‘rnini Dilyorbek Irmatovga bo‘shatib berishga majbur bo‘ldi.
Ikkinchi taymda ham o‘yin ssenariysi o‘zgarmadi. Har ikkala jamoa g‘alaba ishtiyoqida maydonda to‘p surdi, biroq hujumlarni yakunlash borasida oqsashdi. Uchrashuvda durang natija qayd etiladigandek ko‘ringandi. Ammo uchrashuv tugashiga besh daqiqa qolganda standart vaziyat mehmonlar uchun omadli bo‘ldi. Burchakdan to‘p o‘yinga kiritilganda shamol to‘pning yo‘nalishini o‘zgartirdi va Vladimir Bubanyaga kelib tushdi. Uning yengil urinishidan keyin to‘p darvoza chizig‘ini kesib o‘tdi – 0:1.
“Metallurg” – AGMK – 0:1 (0:0). Bekobod. “Metallurg” stadioni. 10.05.2018 yil. 8047
Gol: Vladimir Bubanya (85).
“Metallurg”: Javohir Ilyosov, Abbosjon Otaxonov, Shahzod Shaymanov, Zabixillo O‘rinboyev, Islombek Isoqjonov, Zohid Abdullayev, Sherzod Fayziyev, Akbarjon Ismatullayev, Muhammad Isayev (Suhrob Nurulloyev,), Abror Xusinov (Dilyorbek Irmatov,), Pavel Smolyachenklo.
AGMK: Pavel Matyash, Abduqahhor Hojiakbarov, Xurshidbek Muxtorov (Qahramon Bahodirov,), Dilshod Jo‘rayev, Shohnazar Norbekov (Zafar Polvonov,), Lutfillo To‘rayev, Vladimir Bubanya, Vladislav Kosminin, Yovan Jokich,Javlon Guseynov, Vadim Chemirtan.
Ogohlantirishlar: Shahzod Shaymanov (23), Akbar Ismatullayev (54), Suhrob Nurulloyev (72), Abbosjon Otaxonov (75), Pavel Smolyachenko (90+2) – Xurshidbek Muxtorov (18), Yovan Jokich (55), Javlon Guseynov (82).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
