Ўзбекистон Миллий олимпия қўмитаси Жисмоний тарбия ва спорт вазирлиги билан ҳамкорликда Ўзбекистон Республикаси Президентининг 2018 йил 5 мартдаги “Жисмоний тарбия ва спорт соҳасида давлат бошқаруви тизимини тубдан такомиллаштириш чора-тадбирлари тўғрисида”ги ПФ-5368-сонли Фармонида кўрсатиб ўтилган бандлар ижросини таъминлаш мақсадида бутун мамлакатимиз бўйлаб Олимпия захиралари коллежлари, Болалар-ўсмирлар спорт мактаблари тизимида жиддий ислоҳотлар олиб бормоқда.
Таъкидлаш лозимки, қилинаётган кенг кўламдаги ишлар энг аввало Олимпия коллежлари ва спорт мактабларининг самарали ишлаши учун хизмат қилиши, ушбу спорт масканларида ёшлар учун барча керакли шароитлар яратиш, қабул квоталари ва мезонларини қайта кўриб чиқиш ва шу билан биргаликда мамлакат терма жамоаларига муносиб ва иқтидорли номзодларни етаказиб бериш тизимини яратишда муҳим ўрин тутади.
Пойтахтимизда жойлашган Республика Олимпия захиралари коллежи ҳам шак-шубҳасиз мамлакатимиздаги энг машҳур ўқув-спорт даргоҳларидан бири ҳисобланади. Унинг бой тарихи ва анъаналари мавжуд. Аммо тан олиш лозим, сўнгги йилларга келиб ушбу маскан ислоҳотларга муҳтож бўлиб қолганди. Аниқроқ айтадиган бўлсак коллеж фаолияти талаб даражасида эмасди.
Айнан шу жиҳатни ҳисобга олиб Ўзбекистон Республикаси Жисмоний тарбия ва спорт вазирининг буйруғи билан Республика Олимпия захиралари коллежи раҳбариятида ўзгариш юз берди. Шу пайтга қадар коллежга раҳбарлик қилиб келган Жасур Акрамов ўз аризасига кўра лавозимидан озод этилди. Унинг ўрнига Ўзбекистон Профессионал футбол лигаси директорининг ўринбосари сифатида ишлаб келган Мирсардор Алимов вақтинчалик директор вазифасини бажарувчи этиб тайинланди.
Табиийки, янги раҳбар олдига Миллий олимпия қўмитаси ва Жисмоний тарбия ва спорт вазирлиги томонидан маълум талаблар қўйилди. Унга кўра қисқа вақт ичида Республика Олимпия захиралари коллежи фаолиятини тубдан такомиллаштириш, ишларни самарали ташкил этиш, қабул квотаси ва мезонларини қайта кўриб чиқиш, ўқув-машғулотлар базасини талаб даражасига келтириш, мавжуд имкониятлардан унумли фойдаланиш масаласида раҳбариятга аниқ таклифлар киритиш, бу борада мукаммал тизим яратиш ва уни татбиқ этиш бўйича М. Алимовга аниқ кўрсатма ва топшириқлар берилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
