Ўзбекистон терма жамоаси ўз тарихида илк марта Жанубий Америка терма жамоасига қарши ўртоқлик учрашувини ўтказди. Монтевидео шаҳрида бўлиб ўтган Уругвайга қарши ўйинда терма жамоамиз йирик ҳисобда имкониятни бой берди.
Баҳснинг дастлабки 30 дақиқасини Темур Кападзе шогирдлари жуда яхши ўтказишди. Футболчиларимиз тўпни яхши назорат қилган ҳолда, рақибга хавфли ҳужум уюштириш имкониятини беришмади. Аммо 31-дақиқада майдон марказида тўпнин йўқотилиши натижасида ҳисоб очилди. Тўпни эгаллаган Суарес биргина узатма билан Каванини яккама-якка вазиятга чиқарди. Эдинсон Суюновни алдаб ўтиб, 11 метрли нуқта атрофига узатма берди. Луис Суарес тўпни эгалладию, ёнида турган де Арраскаетага пас берди. Жоржиан кучли зарба билан дарвозани ишғол қилди.
Иккинчи бўлимнинг старти вакилларимиз учун омадсиз кечди. Мезбонларнинг ҳужуми пайтида тўп кутилмаганда Рустам Ашурматовнинг қўлига тегди. Ҳакам эса пенальти белгилашга қарор қилди. Луис Суареснинг зарбасини Элдорбек Суюнов қайтара олмади.
Мазкур гол ўйинчиларимизнинг руҳиятига салбий таъсир кўрсатди шекилли, жамоамиз тўпни биринчи бўлимдагидек назорат қила олмади. Боз устига, ўйиннинг 73-дақиқасида унча мураккаб бўлмаган вазиятда гол ўтказиб юбордик. Бурчакдан етказиб берилган тўпга на Суюнов чиқди, на ҳимоячиларимиз Хименеснинг бош билан зарба беришига халал беришди — 3:0.
Учрашув тугашига 11 дақиқа қолганида Акром Комилов рақибга нисбатан қўпол ҳаракат қилгани боис майдондан четлатилди. Шу тариқа, Жаҳон чемпионатига йўл олаётган Уругвай майдонида йирик ҳисобда ютқаздик.
Ўртоқлик ўйини
УРУГВАЙ – ЎЗБЕКИСТОН - 3:0
8 июнь, 04.00, «Сентенарио» стадиони
Голлар: Жоржиан де Арраскаета (32), Луис Суарес (53-пенальти), Хименес (73)
Уругвай: Фернандо Муслера, Максимилиано Перейра, Диего Годин (С), Хосе Мария Хименес, Мартин Касарес, Нахитан Нендес, Родриго Бентанкур, Матиас Весино, Жоржиан де Арраскаета, Луис Суарес, Эдинсон Кавани
Ўзбекистон: Элдорбек Суюнов, Шуҳрат Муҳаммадиев (Аббос Отахонов 59), Шерзод Аъзамов, Рустам Ашурматов, Акром Комилов, Азизжон Ғаниев (Икром Алибоев 73), Одил Ҳамробеков (Хуршид Ғиёсов 73), Жавоҳир Сиддиқов (Санъат Шихов 81), Азиз Турғунбоев (Жасур Яхшибоев 59), Жалолиддин Машарипов, Забиҳилло Ўринбоев (Бобур Абдухолиқов 46)
Четлатиш: Акром Комилов (79)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
