ЖЧ-2018 мезбони — Россия терма жамоаси мусобақани ғалаба билан бошлади. Станислав Черчесов шогирдлари Саудия Арабистони термасини мағлуб этишди.
Россияликлар тезкор гол уришга муваффақ бўлишди. Учрашувнинг 12-дақиқасида мезбонлар бурчак тўпини ўйинга киритишди. Дастлаб меҳмонлар тўпни жарима майдончасидан узоқлаштиришганди, аммо тўп чап қанотдан яна дарвоза яқинига етказилди. Барчадан баланд сакраган Юрий Газинский бош билан дарвозани ишғол қилди.
Майдон эгалари ташаббусни ўз қўлларидан ушлаб туришди ва танаффусга яқин иккинчи голни уришга муваффақ бўлишди. Қарши ҳужум пайтида олдинга узатилган тўпни Головин эгаллаб олиб, Смоловга берди. Фёдор чап қанотдан ичкарига кираётган Черишевни тўп билан таъминлади. "Вильярреал" футболчиси битта финт билан икки рақиб йўлдан олиб ташлади ва бирга бир вазиятда кучли зарба билан дарвозани ишғол қилди.
Иккинчи бўлим руслар фаол бошлашди ва голга тортадиган вазиятни саудияликлар яратишди. Баҳснинг 55-дақиқасида ўнг қанотдан дарвозабон майдончасига етказилган узатмани Саҳлавий дарвоза томон буришга ҳаракат қилди. Аммо тўп унинг оёғига яхши тегмай қолди. Тўп йўлига аш-Шеҳрий ташланди, у ҳам кеч қолди ва тўп тўсин олдидан майдонни тарк этди.
Черчесов 70-давиқада Смоловнинг ўрнига Артём Дзюбани туширди. Дзюбанинг тўпга биринчи тегишиёқ голга айланди! Руслар аутдан тўпни ўйинга киритишди, Фернандес-Зобнин комбинациясидан сўнг Головин қулай вазиятда турган Дзюбага оширди ва Артём тўпни аниқ йўллади!
Ҳакам ўйининг асосий вақтига 3 дақиқа қўшиб берди. Уларнинг биринчисида Черишев гол уриб "дубль" қайд этди. Сўнги дақиқада руслар арима тўпи ишладилар. Жарима зарбасини аниқ бажарган Головин ҳисобни ўта йирик ҳисобга олиб келди - 5:0.
ЖЧ-2018
А гуруҳи
Россия – Саудия Арабистони 5:0 (2:0, 3:0)
Голлар: 1:0 – 12 Газинский, 2:0 – 43 Черышев, 3:0 – 71 Дзюба, 4:0 – 90 Черишев, 5:0 – 90 Головин.
Россия – Акинфеев, Игнашевич, Кутепов, Фернандес, Жирков, Головин, Газинский, Самедов (Кузяев, 64), Зобнин, Дзагоев (Черышев, 24), Смолов (Дзюба, 70).
Саудия Арабистони – Ал Маюф, Ҳавсавий, Ал Шаҳроний, Ал Брейк, Ҳавсавий, Ал Жассим, Отайф (Ал Муваллад, 64), Ал Шаҳрий (Бахебри, 74), Ал Досарий, Ал Фараж, Ал Саҳлавий(Асирий, 85).
Огоҳлантиришлар: Головин (88), Ал Жассим (90).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
