JCH-2018 mezboni — Rossiya terma jamoasi musobaqani g‘alaba bilan boshladi. Stanislav Cherchesov shogirdlari Saudiya Arabistoni termasini mag‘lub etishdi.
Rossiyaliklar tezkor gol urishga muvaffaq bo‘lishdi. Uchrashuvning 12-daqiqasida mezbonlar burchak to‘pini o‘yinga kiritishdi. Dastlab mehmonlar to‘pni jarima maydonchasidan uzoqlashtirishgandi, ammo to‘p chap qanotdan yana darvoza yaqiniga yetkazildi. Barchadan baland sakragan Yuriy Gazinskiy bosh bilan darvozani ishg‘ol qildi.
Maydon egalari tashabbusni o‘z qo‘llaridan ushlab turishdi va tanaffusga yaqin ikkinchi golni urishga muvaffaq bo‘lishdi. Qarshi hujum paytida oldinga uzatilgan to‘pni Golovin egallab olib, Smolovga berdi. Fyodor chap qanotdan ichkariga kirayotgan Cherishevni to‘p bilan ta’minladi. "Vilyarreal" futbolchisi bitta fint bilan ikki raqib yo‘ldan olib tashladi va birga bir vaziyatda kuchli zarba bilan darvozani ishg‘ol qildi.
Ikkinchi bo‘lim ruslar faol boshlashdi va golga tortadigan vaziyatni saudiyaliklar yaratishdi. Bahsning 55-daqiqasida o‘ng qanotdan darvozabon maydonchasiga yetkazilgan uzatmani Sahlaviy darvoza tomon burishga harakat qildi. Ammo to‘p uning oyog‘iga yaxshi tegmay qoldi. To‘p yo‘liga ash-SHehriy tashlandi, u ham kech qoldi va to‘p to‘sin oldidan maydonni tark etdi.
Cherchesov 70-daviqada Smolovning o‘rniga Artyom Dzyubani tushirdi. Dzyubaning to‘pga birinchi tegishiyoq golga aylandi! Ruslar autdan to‘pni o‘yinga kiritishdi, Fernandes-Zobnin kombinasiyasidan so‘ng Golovin qulay vaziyatda turgan Dzyubaga oshirdi va Artyom to‘pni aniq yo‘lladi!
Hakam o‘yining asosiy vaqtiga 3 daqiqa qo‘shib berdi. Ularning birinchisida Cherishev gol urib "dubl" qayd etdi. So‘ngi daqiqada ruslar arima to‘pi ishladilar. Jarima zarbasini aniq bajargan Golovin hisobni o‘ta yirik hisobga olib keldi - 5:0.
JCH-2018
A guruhi
Rossiya – Saudiya Arabistoni 5:0 (2:0, 3:0)
Gollar: 1:0 – 12 Gazinskiy, 2:0 – 43 Cherishev, 3:0 – 71 Dzyuba, 4:0 – 90 Cherishev, 5:0 – 90 Golovin.
Rossiya – Akinfeev, Ignashevich, Kutepov, Fernandes, Jirkov, Golovin, Gazinskiy, Samedov (Kuzyayev, 64), Zobnin, Dzagoyev (CHerishev, 24), Smolov (Dzyuba, 70).
Saudiya Arabistoni – Al Mayuf, Havsaviy, Al Shahroniy, Al Breyk, Havsaviy, Al Jassim, Otayf (Al Muvallad, 64), Al Shahriy (Baxebri, 74), Al Dosariy, Al Faraj, Al Sahlaviy(Asiriy, 85).
Ogohlantirishlar: Golovin (88), Al Jassim (90).
Жалолиддин Қобилжонов
Яҳёхўжа Улуғхўжаев
Ҳасанали ота
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Холис таҳлилчи блоги
Сафарали Сиддиқов
FCB.UZ — бу «Барселона»
Шуҳрат Шокиржонов
Шерзод Ражабов
Қаҳрамон Асланов
