Ўзбекистон Суперлигасининг иккинчи босқичи 23-тур учрашувларига 13 сентябрдан старт берилади. Бу турда “Насаф” “Қўқон-1912” жамоаси билан сафарда баҳс юритади.
Учрашув 13 сентябр пайшанба куни Қўқон шаҳридаги “Марказий” стадионда соат 18:00да бошланади.
Суперлигаси-2018. 23-тур
“ҚЎҚОН-1912“ – “НАСАФ”
13.09.2018. Қўқон ш., “Марказий” стадион. 18:00да
Бош ҳакам: Равшан Эрматов
Қанот ҳакамлари: Абдуҳамидулло Расулов, Жаҳонгир Саидов
Захира ҳаками: Даврон Акмалов
Назоратчи: Радик Серазиддинов
Учрашув комиссари: Бахтиёр Намозов.
Ўзаро учрашувлар тарихидан
Мазкур жамоалар шу пайтгача миллий чемпионатимизда ўзаро 18 марта туқнаш келишган. Шундан 4 учрашувда қўқонликларнинг қўли баланд келган. 13та учрашувда “Насаф” ғалаба қозонган. Фақат бир учрашувда жамолар муросага келишган. Бу дуранг шу йили Қўқонда бўлиб ўтган ўзаро учрашувда қайд этилган эди.
Тўплар нисбати бўйича ҳам устунлик жамоамиз томонида 19-36.
Қўқондаги ўзаро учрашувларга оид
Мазкур жамоалар шу пайтгача Қўқонда 9 учрашувда баҳс юритишган. Бўлиб ўтган учрашувларнинг 4тасида “Қўқон-1912” жамоаси ва яна 4тасида жамоамиз ғалабага эришган. Мазкур жамоалар ўртасидаги ягона 0:0 ҳисобидаги дуранг натижа шу йили Қўқонда бўлиб ўтган ўзаро учрашувда қайд этилган. Қўқонда бўлиб ўтган учрашувларда дарвозаларга жами 24та гол киритилган. Тўплар нисбати 14-10ни ташкил этмоқда. Устунлик “Қўқон-1912” жамоасида.
Қўқондаги сўнгги беш учрашув натижаси
24.04.2018. “Қўқон-1912” – “Насаф” 0:0
04.03.2017. “Қўқон-1912” – “Насаф” 1:2
26.08.2016. “Қўқон-1912” – “Насаф” 1:2
16.08.2015. “Қўқон-1912” – “Насаф” 1:3
18.08.2003. “Қўқон-1912” – “Насаф” 3:0
Ўзаро учрашувлардаги йирик ҳисоблар
Жамоамизнинг ўзаро учрашувларда қозонган энг йирик ғалабаси – 4:0га тенг. “Қўқон-1912”да бу кўрсаткич 3:0га тенг. Тарихда қолган бу учрашувлар 2003 йили бўлиб ўтган, “Насаф” – “Темирйўлчи” 4:0 учрашувида жамоамизнинг ўтмишдаги тўпурари – Зафар Холмуродов хет-трик қайд этган ва Дилшод Мавланов бир марта гол муаллифи бўлган. Иккинчи даврада Қўқонда бўлган учрашувда эса Шуҳрат Раҳмонқулов дублни нишонлаган, Шуҳрат Юсупов эса дарвозамизга битта тўп йўллаган.
Жамоаларнинг навбатдаги учрашуви 19-учрашув сифатида тарих саҳифасидан жой олади. Бу учрашув, “Насаф”нинг олий лигадаги 641- учрашуви ҳисобланади.
“Қўқон-1912” - “Насаф” жамоаларининг ўринбосарлари ўртасидаги учрашув ҳам Қўқон шаҳридаги “Марказий” стадионда бўлиб ўтади. Учрашув 12 сентябр чоршанба куни соат 16:00да бошланади.
Учрашувларга марҳамат қилинг!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
