O‘zbekiston Superligasining ikkinchi bosqichi 23-tur uchrashuvlariga 13 sentyabrdan start beriladi. Bu turda “Nasaf” “Qo‘qon-1912” jamoasi bilan safarda bahs yuritadi.
Uchrashuv 13 sentyabr payshanba kuni Qo‘qon shahridagi “Markaziy” stadionda soat 18:00da boshlanadi.
Superligasi-2018. 23-tur
“QO‘QON-1912“ – “NASAF”
13.09.2018. Qo‘qon sh., “Markaziy” stadion. 18:00da
Bosh hakam: Ravshan Ermatov
Qanot hakamlari: Abduhamidullo Rasulov, Jahongir Saidov
Zaxira hakami: Davron Akmalov
Nazoratchi: Radik Seraziddinov
Uchrashuv komissari: Baxtiyor Namozov.
O‘zaro uchrashuvlar tarixidan
Mazkur jamoalar shu paytgacha milliy chempionatimizda o‘zaro 18 marta tuqnash kelishgan. Shundan 4 uchrashuvda qo‘qonliklarning qo‘li baland kelgan. 13ta uchrashuvda “Nasaf” g‘alaba qozongan. Faqat bir uchrashuvda jamolar murosaga kelishgan. Bu durang shu yili Qo‘qonda bo‘lib o‘tgan o‘zaro uchrashuvda qayd etilgan edi.
To‘plar nisbati bo‘yicha ham ustunlik jamoamiz tomonida 19-36.
Qo‘qondagi o‘zaro uchrashuvlarga oid
Mazkur jamoalar shu paytgacha Qo‘qonda 9 uchrashuvda bahs yuritishgan. Bo‘lib o‘tgan uchrashuvlarning 4tasida “Qo‘qon-1912” jamoasi va yana 4tasida jamoamiz g‘alabaga erishgan. Mazkur jamoalar o‘rtasidagi yagona 0:0 hisobidagi durang natija shu yili Qo‘qonda bo‘lib o‘tgan o‘zaro uchrashuvda qayd etilgan. Qo‘qonda bo‘lib o‘tgan uchrashuvlarda darvozalarga jami 24ta gol kiritilgan. To‘plar nisbati 14-10ni tashkil etmoqda. Ustunlik “Qo‘qon-1912” jamoasida.
Qo‘qondagi so‘nggi besh uchrashuv natijasi
24.04.2018. “Qo‘qon-1912” – “Nasaf” 0:0
04.03.2017. “Qo‘qon-1912” – “Nasaf” 1:2
26.08.2016. “Qo‘qon-1912” – “Nasaf” 1:2
16.08.2015. “Qo‘qon-1912” – “Nasaf” 1:3
18.08.2003. “Qo‘qon-1912” – “Nasaf” 3:0
O‘zaro uchrashuvlardagi yirik hisoblar
Jamoamizning o‘zaro uchrashuvlarda qozongan eng yirik g‘alabasi – 4:0ga teng. “Qo‘qon-1912”da bu ko‘rsatkich 3:0ga teng. Tarixda qolgan bu uchrashuvlar 2003 yili bo‘lib o‘tgan, “Nasaf” – “Temiryo‘lchi” 4:0 uchrashuvida jamoamizning o‘tmishdagi to‘purari – Zafar Xolmurodov xet-trik qayd etgan va Dilshod Mavlanov bir marta gol muallifi bo‘lgan. Ikkinchi davrada Qo‘qonda bo‘lgan uchrashuvda esa Shuhrat Rahmonqulov dublni nishonlagan, Shuhrat Yusupov esa darvozamizga bitta to‘p yo‘llagan.
Jamoalarning navbatdagi uchrashuvi 19-uchrashuv sifatida tarix sahifasidan joy oladi. Bu uchrashuv, “Nasaf”ning oliy ligadagi 641- uchrashuvi hisoblanadi.
“Qo‘qon-1912” - “Nasaf” jamoalarining o‘rinbosarlari o‘rtasidagi uchrashuv ham Qo‘qon shahridagi “Markaziy” stadionda bo‘lib o‘tadi. Uchrashuv 12 sentyabr chorshanba kuni soat 16:00da boshlanadi.
Uchrashuvlarga marhamat qiling!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
