«Челси» бош мураббийи Маурицио Сарри «Манчестер Юнайтед»нинг Англия чемпионатидаги муваффақиятсиз старти борасида ўз фикрларини билдириб ўтди. Жозе Моуриньо жамоаси 8-турдан кейин жадвалда 8-ўринни эгаллаб турибди.
«МЮ»нинг ушбу мавсумдаги стартидан бироз ҳайрон бўлдим, аммо футболда бунақаси ҳам бўлиб туради. Гап фақат 8та ўйин ҳақида кетмоқда. Аммо улар Чемпионлар лигаси яхши иштирок этишмоқда. Шунингдек, АПЛдаги ҳолатларини яхшилашлари мумкин. Энди 2 ой вақт ўтди холос.
Эҳтимол, "Юнайтед" АПЛда энг кучли таркибга эга. Назаримда, ҳозир жамоа сифатида «Манчестер Сити» кучлироқ, аммо таркиб борасида «Манчестер Юнайтед» жуда кучли жамоа. Улар рақибдан келиб чиқиб ўйнашадими ёки ўз ўйинларини намойиш қилишадими, буни билмайман», – деди Сарри.
«Челси» – «Манчестер Юнайтед» баҳси бугун Тошкент вақти билан 16:30да бошланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).