Ҳудудий болалар ва ўсмирлар футбол академияларида босқичма-босқич барча шароитлар яратилмоқда
Ўзбекистон Республикаси Президентининг 2018 йил 16 мартдаги «Футболни янада ривожлантириш чора-тадбирлари тўғрисида»ги ПҚ–3610-сонли қарорига асосан юртимизда 14 та Ҳудудий болалар ва ўсмирлар футбол академиялари ҳамда 1 та Республика болалар ва ўсмирлар футбол академияси ташкил қилинган. Ҳар бир академияда бугунги кунда 7 та ёш тоифасидаги 154 нафардан ўқувчи таълим олмоқда.
2018 йилга қадар юртимизда фаолият кўрсатиб келаётган Ихтисослаштирилган футбол мактаб интернатлари тугатилди. ИФМИларни тугатишга асосий сабаб, ушбу спорт мактабларининг асосий вазифаси мамлакатимизга сара спортчиларни тайёрлаб бериш бўлишига қарамай, улар бугунги кунда умумий таълим мактабларига айланиб қолган. Айрим мутасаддилар томонидан ушбу мактаб-интернатларининг моддий ва маънавий камчиликлари ўз вақтида бартараф этилмаганлиги сабаб ўқиш сифати тушиб кетган, ўқувчилар яшаб ўқиётган бинолар ғариб аҳволга келиб қолган. Ўқишга қабул қилиш жараёнида эса болаларнинг спортга бўлган иштиёқ ва қизиқишлари, иқтидорлари ҳисобга олинмасдан пала-партишлик билан ўқишга қабул қилинган. Бунинг натижасида, спорт мактабларининг умумтаълим мактабларидан фарқи йўқолиб қолган эди.
Шундан келиб чиққан ҳолда, болаларнинг футболга бўлган иштиёқини ошириш, профессионал футболчиларни босқичма-босқич тайёрлаш ва Ўзбекистон миллий терма жамоаларига номзодларни етказиб бериш, ўзбек футболини янги босқичга олиб чиқиш мақсадида, ИФМИлар ўрнида республика бўйлаб вилоят марказлари, Тошкент шаҳри ва Қорақалпоғистон Республикасида 1 тадан марказлашган Ҳудудий болалар ва ўсмирлар футбол академиялари ташкил қилинди. 2018 йилнинг сентябрь ойидан ушбу футбол академияларида ўқиш жараёнлари бошланиб кетди.
Ҳозирда Ўзбекистон футбол ассоциацияси томонидан футбол академияларининг инфраструктурасини яхшилаш, уларнинг моддий-техник базаларини бойитиш, ўқувчиларнинг сифатли таълим олишларини таъминлаш мақсадида бир қатор чора-тадбирлар ишлаб чиқилиб, амалга татбиқ қилинмоқда.Албатта бу жараён катта куч ва маблағ талаб этади. Қисқа вақт ичида академияларда юқори сифатли инфратузилмаларни яратишнинг иложиси йўқ. Бу чора-тадбилар муайян режа асосида босқичма-босқич амалга оширилмоқда. Тез орада юртимизда фаолият олиб бораётган барча академиялар талабга жавоб берадиган ҳолатга келтирилади. Бу ерда таълим оладиган болакайлар бор куч ва маҳоратларини намойиш қилиб, устозларидан ўрганганларини амалда татбиқ қилиб, терма жамоаларимизга муносиб номзодлар етишиб чиқади деб умид қилиб қоламиз.
Манба: www.ufa.uz
Киритилди: 18:14, 23.10.2018. Ўқилди: 1329 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
