O‘zbekiston Respublikasi Prezidentining 2018 yil 16 martdagi «Futbolni yanada rivojlantirish chora-tadbirlari to‘g‘risida»gi PQ–3610-sonli qaroriga asosan yurtimizda 14 ta Hududiy bolalar va o‘smirlar futbol akademiyalari hamda 1 ta Respublika bolalar va o‘smirlar futbol akademiyasi tashkil qilingan. Har bir akademiyada bugungi kunda 7 ta yosh toifasidagi 154 nafardan o‘quvchi ta’lim olmoqda.
2018 yilga qadar yurtimizda faoliyat ko‘rsatib kelayotgan Ixtisoslashtirilgan futbol maktab internatlari tugatildi. IFMIlarni tugatishga asosiy sabab, ushbu sport maktablarining asosiy vazifasi mamlakatimizga sara sportchilarni tayyorlab berish bo‘lishiga qaramay, ular bugungi kunda umumiy ta’lim maktablariga aylanib qolgan. Ayrim mutasaddilar tomonidan ushbu maktab-internatlarining moddiy va ma’naviy kamchiliklari o‘z vaqtida bartaraf etilmaganligi sabab o‘qish sifati tushib ketgan, o‘quvchilar yashab o‘qiyotgan binolar g‘arib ahvolga kelib qolgan. O‘qishga qabul qilish jarayonida esa bolalarning sportga bo‘lgan ishtiyoq va qiziqishlari, iqtidorlari hisobga olinmasdan pala-partishlik bilan o‘qishga qabul qilingan. Buning natijasida, sport maktablarining umumta’lim maktablaridan farqi yo‘qolib qolgan edi.
Shundan kelib chiqqan holda, bolalarning futbolga bo‘lgan ishtiyoqini oshirish, professional futbolchilarni bosqichma-bosqich tayyorlash va O‘zbekiston milliy terma jamoalariga nomzodlarni yetkazib berish, o‘zbek futbolini yangi bosqichga olib chiqish maqsadida, IFMIlar o‘rnida respublika bo‘ylab viloyat markazlari, Toshkent shahri va Qoraqalpog‘iston Respublikasida 1 tadan markazlashgan Hududiy bolalar va o‘smirlar futbol akademiyalari tashkil qilindi. 2018 yilning sentyabr oyidan ushbu futbol akademiyalarida o‘qish jarayonlari boshlanib ketdi.
Hozirda O‘zbekiston futbol assosiasiyasi tomonidan futbol akademiyalarining infrastrukturasini yaxshilash, ularning moddiy-texnik bazalarini boyitish, o‘quvchilarning sifatli ta’lim olishlarini ta’minlash maqsadida bir qator chora-tadbirlar ishlab chiqilib, amalga tatbiq qilinmoqda.Albatta bu jarayon katta kuch va mablag‘ talab etadi. Qisqa vaqt ichida akademiyalarda yuqori sifatli infratuzilmalarni yaratishning ilojisi yo‘q. Bu chora-tadbilar muayyan reja asosida bosqichma-bosqich amalga oshirilmoqda. Tez orada yurtimizda faoliyat olib borayotgan barcha akademiyalar talabga javob beradigan holatga keltiriladi. Bu yerda ta’lim oladigan bolakaylar bor kuch va mahoratlarini namoyish qilib, ustozlaridan o‘rganganlarini amalda tatbiq qilib, terma jamoalarimizga munosib nomzodlar yetishib chiqadi deb umid qilib qolamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
