Бугун, 9 январь куни Ўзбекистон терма жамоаси БАА мамлакатининг Шаржа шаҳрида Уммонга қарши баҳс олиб боради. Бўлажак учрашув олдидан Stadion.uz мухбири Акмал Эшонхонов терма жамоа ярим ҳимоячиси Жалоллиддин Машарипов билан суҳбатда бўлди.
“Албатта, майдонга чиқишдан олдин ҳар бир футболчида барибир ҳаяжон бўлади. Қандай мусобақада иштирок этишдан қатъий назар майдонга чиққандан сўнг ҳаяжон йўқолади. Футболчиларни хаяжон босяпгани бор, халқимиз биздан мусобақада биринчи ўринни эгаллашимизни кутаётганини яхши биламиз. Шунинг учун, биринчи ўйинни ғалаба билан бошлаб, Ўзбекистон аҳлига яхши кайфият улашмоқчимиз.
Уммон терма жамоаси ҳақида турли фикрлар бўлмоқда, ушбу жамоа ҳақида шахсий фикрларингиз қандай, футболчи сифатида рақиб жамоага қандай баҳо берасиз?
Яхши биласиз, мусобақа олдидан ҳеч бир жамоани кучли ёки кучсиз деб бўлмайди. Масалан, Ҳиндистон ҳам йирик ҳисобда ғалаба қозонди, рақибни менсимасдан ўйнаш катта хато деб ўйлайман. Йигитлар буни яхши тушинишмоқда. Уммон кўрсатган натижалари бизга қараганда яхшироқлигини ҳам биламиз. Шунга кўра, биз 100 фоиз бор кучимиз билан ҳаракат қиламиз. Менсимаган жамоалар ҳар доим ютқазади, бу футболда исботланган факт. Уммонликларни асло кучсиз рақиб деб бўлмайди.
Шу бугунгача тайёргарлик жараёни қандай кечди, қандай қизиқ воқеалар бўлди, мураббий ҳақида ҳам фикрларингизни билмоқчимиз?
Туркияда бўлиб ўтган тайёргарлик яхши ўтди, жисмоний тарафлама яхши шуғулландик, тактика борасида анча ривожландик Купернинг кўрсатмаларини қўлдан келганча бажаришга ҳаракат қиляпмиз. Ўртоқлик учрашуви ўтказмадик. Бундан хулоса чиқариб, ҳар бир ўйинга ғалабага ташна ҳолатда ўтказишга ҳаракат қиламиз.
Демак ўртоқлик ўйини ўтказилмаганининг ҳам сабаби шунда?
Бунинг икки икки: яхши ҳам ёмон тарафи бор. Рақиб билан ўйнамаган жамоа футболчилари ғалаба қозонишга чанқоқ бўлади. Аксига олиб, бунинг руҳиятга ҳам таъсири бор дея оламан.
Жалоллидин сиз яқинда ОФК томонидан 6 ойга дисквалификация қилинган эдингиз, ўша қарорда сиз терма жамоанинг фақатгина ўртоқлик учрашувларида иштирок эта олмайсиз холос, бу сизнинг ўйинингизга ҳеч қандай таъсир кўрсатмайдими?
Дисквалификаясини мухлислар олдида бахона қилиб бўлмайди. Майдонга биринчи марта тушаётганим йўқ, Ватанимиз олдида бу қарорни сабаб қилиб кўрсата олмайман. Майдонда ўзимни яхши томонлама кўрсатишга ҳаракат қиламан, бу қарор фақатгина ҳужжатда, шунинг учун бундан хавотир олмаяпман.
“Пахтакор”да қоласизми ёки...?
“Пахтакор” билан шартномам тугаган, бундан деярли ҳамманинг хабари бор. “Шерлар” янги шартнома таклиф қилишди, лекин ҳали ҳеч нарса ҳал бўлмаган. Бу мусобақа ҳар футболчи учун катта бозор деса бўлади. Шунинг учун, мусобақа тугаганидан сўнг жамоа танлаш ҳақида ўйлаб кўраман.
Жаноб Эктор Купер ўйин олдидан футболчиларни қандай руҳлантиряпти?
Купернинг қандай мураббий эканлигини ҳамма яхши билади. У бизга барча керакли кўрсатмаларни берди. У йигитлар кайфиятини руҳий тарафлама кўтармоқда ва бизни ҳеч кимдан кам эмаслигимизни таъкидлаб ўтмоқда.
Ҳужумчилардан фақат Марат Бикмаев ва Сардор Рашидов якуний таркибдан жой олган. Ўйлашимча, Купер асосий эътиборни ярим ҳимояга қаратган. Демак, асосий юк ярим ҳимоячилар зиммасига тушади, бунда сизнинг вазифангиз қандай?
Биласизми, Купер бу ерга иккита ҳужумчини олиб келмади, бизда 11 та ҳужумчи ва 11 та ҳимоячи бор. Мураббийнинг тактик услуби шундай – ҳамма бирдек ҳужумга боради ва ҳамма бир бўлиб ҳимояга қайтади. Мураббий кўрсатмасини ортиғи билан бажаришга ҳаракат қиламиз. Аслини олганда, Ватанимиз учун жонимизни фидо қилишга доимо тайёрмиз.
Маълумот ўрнида, Ўзбекистон – Уммон учрашуви Тошкент вақти билан соат 18:30да бошланади.
Акмал Эшонхонов
Шаржа шаҳридан махсус
Матнда хатолик топсангиз, ўша хатони белгилаб, бизга жўнатинг (Ctrl + Enter).
Шўртан
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
