«Барселона»нинг янги футболчиси эл-класикода гол урмоқчи
«Барселона» клуби янги футболчисига айланган Кевин-Принс Боатенг ўз ҳиссиётлари билан ўртоқлашди. «Сассуоло» уни «кўк-анорранглилар»га ярим йилга ижарага берди.
«Бу жиддий синов. Бу ерга асосий таркиб футболчиси сифатида келмаганимни тушуниб турибман. Шунга қарамай, менинг мақсадим — клубда муваффақиятли ўйнаш ва бу ерда узоқ йиллар қолиш.
Ҳозир 32 ёшдаман. «Тўққизинчи рақамли футболчи» вазифасини бажариш менга тўғри келади. Ишонаманки, ўз хусусиятларим орқали жамоага нафим тегади. «Сассуоло» билан хайрлашиш оғир бўлди. Мен у ерда ҳақиқатан бахтли эдим, аммо «Барселона»га рад жавобини бериш қийин.
Бор эътиборимни янги жамоага қаратганман. Навбатдаги эл-класикода гол уришга умид қиламан», – деди футболчи Marca нашрига берган интервьюсида.
Каталонияликларнинг «Реал»га қарши навбатдаги баҳси 3 март куни «Сантьяго Бернабеу»да бўлиб ўтади. Азалий рақиблар Испания кубогининг ярим финалида тўқнаш келиб қолиш эҳтимоли ҳам йўқ эмас. Бундай ҳолатда "класико" янада эртароқ рўй беради.
Манба: bombardir.ru
Киритилди: 08:19, 23.01.2019. Ўқилди: 5713 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар