Хабарингиз бор, Наманганнинг “Навбаҳор” клуби айни пайтда ўз ўқув-машғулот йиғинини Қримда ўтказмоқда.
Мазкур йиғин давомида наманганликлар назорат синов учрашувлари ҳам ўтказишмоқда. “Лочинлар” айни пайтгача 2 та ўртоқлик баҳси ўтказиб, “ТСК Таврия” (Симферополь) клубини 3:2, “Севастополь” (Севастополь) жамоасини эса 2:0 ҳисобида мағлубиятга учратишди.
Севастополликларга қарши кечган ўйиндан сўнг, “Навбаҳор” бош мураббийи Андрей Канчельскис “Севастополь” ФК матбуот хизматига интервью берди. Қуйида ўша суҳбатни таржима қилган ҳолда эътиборингизга ҳавола этамиз.
Аввало, сизни бугунги ғалаба билан табриклаймиз. “Севастополь” билан бўладиган ўйинга ўз шогирдларингиз олдига қандай вазифа қўйгандингиз ва айни пайтдаги назорат-синов учрашувлариннг натижалари сиз учун муҳимми?
Мақсадимиз битта - бўлажак чемпионатга пухта тайёргарлик кўриш. Биз шунга яраша тайёргарлик кўряпмиз. Кунига 2 маҳалдан машғулотлар ўтказяпмиз. Бугун ўртоқлик баҳси ўтказган бўлсак, эртага тикланиш жараёнини амалга оширамиз, Сўнгра кейинги учрашувга тайёргарлик кўрамиз. Режа бўйича иш олиб боряпмиз. Бугунги ўйин натижасидан қониқдим. Албатта, мазкур баҳсда йўл қўйилган хатоларни муҳокама қиламиз. Ҳар қандай ҳолатда ҳам ютуққа эришганимиз ижобий ҳолат. Бундан хурсандман. Йигитларга қойил, улар ғалаа қозониш учун ҳаракат қилишди. Шогирдларим айни пайтда кучли жисмоний юкламалар олишмоқда. Ғалаба қозониш доимо ёқимли.
Қримдаги машғулотлар қачонгача давом этади ва “Навбаҳор”нинг қишки йиғиндаги кейинги кейинги режалари қандай?
31 январь куни Қримда охирги ўртоқлик баҳсини ўтказамиз ва шундан сўнг, бу ердаги йиғинни якунлаймиз. Сўнгра, футболчиларга қисқа таътил берилади. Сўнгги йиғинни эса Туркияда ўтказамиз. У ерда кўплаб ўртоқлик учрашувлари ўтказишни режалаштирганмиз. Кейин эса чемпионат старт олади.
Сиз Россия футболини аъло даражада биласиз. Энди эса ўзбек футболи билан ҳам танишдингиз. “Навбаҳор”ни Россия клублари билан таққосланса, жамоа қанчалик савияга эга?
Ҳозир мен бу саволга аниқ жавоб бера олмайман. Боиси, ўтган мавсумда мен “Навбаҳор” билан бор-йўғи 8 та ўйин ўтказдим холос. Ҳозир эса янги жамоа тузяпман. Янги чемпионат бошланса, бу ҳақда қандайдир хулосаларни чиқарса бўлади.
Бўлажак мавсумда клуб раҳбарияти томонидан олдингизга қандай вазифа қўйилди?
Мақсадимиз жуда юқори. Ўтган йили клубимиз 3-ўринни эгаллади ва янги мавсумда бундан ҳам юксакроқ натижани қайд этишимиз лозим. Шу боис, бу йил 1 ва 2-поғонани банд этиш ёки Ўзбекистон кубогини қўлга киритиш учун кураш олиб борамиз. Мазкур натижалар эса жамоамизга Осиё Чемпионлар Лигаси баҳсларида иштирок этиш имкониятини беради.
Қримдаги машғулотлар учун яратилган шароитлардан қониқиш ҳосил қиляпсизми?
Мен бу ерда кўп маротаба бўлганман. Айтганча, мазкур майдонда ҳалиям мен бош мураббийи саналувчи Россия талабалар терма жамоаси ҳам тўп сурган. Қримдаги шароитлар аъло даражада. Шунингдек, бу ерда қуёшли кунлар кўпроқ бўлишини истардим. Лекин Ўзбекистондаги қуёшли кунлар ҳам бизга етади. Биз учун асосийси, бу ҳақиқий футбол ўйнашга мос бўлган очиқ ҳаво ҳисобланади.
Бизга машғулотлар ўтказиш учун яхши шароитларни яратиб берган ташкилотчиларга ва Евпатория шаҳри мутасаддиларига ўз миннатдорчилигимни билдираман. Яна имконият юзага келса, шу ерга келиб, тайёргарлик кўрамиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
