Футболчиларнинг ҳайрия ишларини амалга ошириши ҳозирги кун учун янгилик бўлмай қолди. Роналдо, Месси, Зидан, Салоҳ сингари футбол қиролларининг эзгу ишлари тахсинга сазовор, лекин шундай футболчилар борки, ўз ҳайрли ишларини яширин амалга оширишади ва кўпинча омманинг эътиборидан четда қолишни хуш кўришади. Бугун ана шундай саховатли футболчилар ҳақида қисқача…
Месут Ўзил
У кариераси давомида деярли 50 га яқин инсоннинг ҳаётини сақлаб қолишга улгурган. Гап шундаки, у жуда қиммат турадиган жарроҳлик амалиётларини амалга оширишга қурби етмайдиган инсонлар учун операция пулларини тўлаб берган. Айниқса, Туркиядаги болалар саломатлиги учун моддий ёрдамини аямайди. Месутнинг кўплаб ҳайрли ишлари кўпинча сирлигича қолиб кетади ва шу сабабли унинг ҳайриялари ҳақида тўлиқ маълумот олишнинг иложи йўқ. Озил ЖЧ ғолиблигини қўлга киритган йили 23 та жарроҳлик амалиёти орқали яна 23 та инсоннинг ҳаётини сақлаб қолишга муваффақ бўлди.
Майкл Эссиен
У ўзи туғилиб ўсган Авуто Брегу шаҳри аҳолиси учун жуда кўп эзгу ишларни амалга оширган. Унинг Гана ёшлари учун очган мактаб ва шифохоналари ҳозир ҳам фаолият олиб бормоқда. Эссиен, шунингдек, ёш футболчиларнинг ҳуқуқларини ҳимоя қилувчи марказ ҳам бунёд этган. Майкл юрти равнақи учун футбол ортидан йиғган маблағининг деярли 35 %ни Ватани учун ҳаржлаб юборган асл ватанпарвар. Ўртамиёна футболчи учун бу қойилмақом натижа. Эссиен ўз шаҳри аҳолисининг азалий орзуси бўлган ичимлик суви билан уларни тўлиқ таъминлашга ҳисса қўшган. Ўзининг саховатпеша эканлиги ҳақидаги гап-сўзларга эътибор бермайдиган қаҳрамонимиз ҳозирда Индонезия чемпионатида муваффақиятли тўп сурмоқда.
Дидее Дрогба
Бу футболчининг халқи учун қилган ишлари ҳақида бутун бошли китоб ёзса бўлади. Келинг, энг муҳимларини келтириб ўтамиз. Дидие доимо юртидан узоқда фаолият олиб борган бўлсада, ҳеч қачон Ватани тақдирига бефарқ бўлмаган. У ўзи туғилган «Фил суяги ўлкаси» да қурган мактаб ва шифохоналардан ҳозирда бир вақтнинг ўзида 3 миллион(!) аҳоли фойдаланади. Энг ҳайратланарлиси шундаки, ҳатто она юртида бошланган фуқоролар урушини тўхтатишга муваффақ бўлган. 2006-йилда ўтказилган мундиал олдидан қаҳрамонимиз ўз юртида қарийиб 15 кун давомида душманларни яраштиради ва халқни бирлаштиради. Унинг қаҳрамонлиги акс этган мақола жаҳоннинг энг нуфузли нашрлардан бири ҳисобланган «ТИМE» журналининг муқовасида «Дрогба дунёнинг энг қудратли 100 та инсонидан бири» номли сарлавҳа остида босиб чиқиларилади.
Бу тугатилган уруш миллионлаб инсонларнинг ҳаётларини сақлаб қолишга сабаб бўлгани тахсинга сазовор. Ватани тинчлиги учун ўлимни бўйнига олиб музокараларга киришган Дрогба, дарҳақиқат, миллат қаҳрамони десак, адашмаган бўламиз.
Yahyxo'ja Ulug'xo'jayev
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
