Ўзбекистон Кубоги 1-тур доирасидаги “Шўртан” – “Андижон” (1:3) учрашувидан кейин ташкил қилинган матбуот анжуманида дастлаб меҳмонлар бош мураббийи Ислом Аҳмедов қатнашди.
- Бугунги ғалаба билан “Андижон” мухлисларини чин қалбимиздан табриклаймиз. Қолаверса, футболчиларимиз яхши ўйин кўрсатишгани учун уларга ҳам каттакон раҳмат айтамиз. Ўйинга келадиган бўлсак, Асрор ака Алиқуловни анчадан бери биламиз. Доимий равишда яхши жамоа шакллантириб келган. “Шўртан” жамоасини ҳам ўйинини кўриб таҳлил қилганимизда яхши шаклланганини ва бизга осон бўлмаслигини билгандик. Шунга яраша тайёргарлик кўрдик. Бизда жисмоний тайёргарлик эмас, балки руҳий томонлама тайёргарлик борасида бироз қийин бўлди. Сабаби, барибир хоҳлаймизми-йўқми, кетма-кет ғалабалардан кейин футболчиларимизда бироз эйфорияга берилиш ҳолатлари бўлди. Лекин вақтида тушунтириб, улар билан гаплашдик. Ўзларига келиб олишди ва яхши ўйин кўрсатдилар. Якунда ғалаба қозондик.
- Нега Драган Чераннинг хизматидан фойдаланмадингиз?
- Черандан фойдаланмоқчи эдик. Ўйиннинг бошланиш вақти 18:00 га белгилангани учун иссиқ ҳавода қийнамайликда, иккинчи таймда ўйинни кучайтиргани туширишни режа қилгандик. Бироқ иккинчи бўлимда “Шўртан” гол уриб қўйганидан кейин режаларимиз ўзгариб кетди.
- Жамоангизнинг киритилган биринчи голига нима дея оласиз? Тўп аутдан тўғри киритилдими?
- Бу ўйинни бир қисми. Фақат бизнинг жамоада бўладиган ҳолат эмас. Масалан, бошқа жамоаларда ҳам шунақа, “Шўртан”да ҳам гол шундай ҳолатда киритилди. Буни жиддий қоидабузарлик деб бўлмайди. Вақти келса, жарима тўпларини ҳам ўз жойидан тепишмайди, силжитишади. Бу қўпол хато эмас.
- Захирадан майдонга тушганлар кўрсатмаларингизни тўлиқ амалга ошириб бера олдиларми?
- Албатта. Жамоамизда захирадан майдонга тушган футболчилар ҳар сафар ўйинимизга темп қўшишяпти. Ҳужумкорликни оширишяпти ва шу билан натижага эришиб келяпмиз. Уларни захира ўйинчилари демаган бўлардик. Худога шукр, бизда иккита тенг оптимал таркиб шаклланиб боряпти. Шунинг учун ҳар бир учрашувда қўрқмасдан ротасияларга қўл уряпмиз.
- Молиявий қийинчиликларга қарамасдан гуруҳда “Насаф”ни етакчи деб ҳисоблайсизми?
- Етакчи? Олдиндан ким етакчи бўлади, деб қарамаймиз. Лекин биз ҳам иложи борича етакчилик қилишга ва кўзланган ўринни биз эгаллашга ҳаракат қиламиз.
- Дастлабки иккита голга “Шўртан”нинг собиқ футболчилари – Пўлатхўжа Холдорхонов билан Одил Абдумажидов муаллифлик қилдилар. Бу ҳолатни кутганмидингиз? Шунингдек, Азизбек Турғунбоевнинг терма жамоага чақирилмаганига муносабатингиз қандай?
- Очиғи, кўп ҳам бундай нарсаларга эътибор бермаймиз. Яъни, эски ёки янги жамоаси деган тушунчаларга эътибор қаратилмайди. Бугунги кунда ким тайёр, ким оптимал ҳолатда, шуларни асосий таркибда туширамиз. Уларни плюс томони ушбу клубда ўйнаб кетишган ва қаердадир ўзларини эркинроқ тутиб, якуний паллаларда ҳал қилувчи зарбаларни беришлари мумкин. Яъни, рақибни ожиз томонларини яхши билишлари мумкин. Иккинчи саволга келсак, Азизбек Турғунбоев зўр футболчи. Ҳамма уни қанақа кучга ва қанақа иқтидорга эга эканлигини билади. Ўзбекистон терма жамоамизни жаҳон чемпионатига чиқишида жуда катта ёрдам берган. Бу ерда жароҳат сабабли кўп ўйинларни ўтказиб юборишига тўғри келди. Терма жамоа мураббийини бўйнида катта масъулият турибди. Бу уларнинг танлови. Лекин Турғунбоевни ҳам терма жамоага чақиришларини, яна имконият беришларини жуда ҳам хоҳлардик", - деди Аҳмедов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
