Бугун Англия премьер лигаси 22-туридан ўрин олган бир қатор қизиқарли баҳслар кутиб турипти. Мухлислар интизорлик билан кутаётган ўйинлардан бири бу “Лестер Сити” ҳамда “Манчестер Юнайтед” учрашувидир.
Оле-Гуннер Сульшер шогирдлари бу турда грандлар кушандасига айланиб бораётган “Лестер Сити” меҳмони бўлади.
Ўтган турда “Энфилд”да “тулкилар” мусобақа пешқадами “Ливерпуль”дан очко тортиб олишга эришган бўлса, ундан аввал “Челси” (1:0), “Манчестер Сити” (2:1) каби гранд клубларни мағлубиятга учратган эди.
Бу тур ҳам Оле-Гуннер Сульшер эртаги давом этадими? Жамоа Сульшер келгач анча барқарор ўйин кўрсата бошлади жамоанинг ички муҳити ҳам аъло даражага келди десам адашмаган бўламан. Моуриньо кетгач, Поль Погба “жаҳон чемпиони” эканлигини эслаб қолди. Поль Сульшер келгач “гол+пас” тизимида 10 очко ишлашга эришди. Бироқ мазкур баҳсда франциялик футболчининг майдонга тушиши сўроқ остида турипти. Сўннги маълумотларга кўра, Сульшер Погбани бошланғич таркибда туширади. Шунингдек, Марсьял ҳам бу ўйинни захирада бошлаши кутилмоқда.
Жамоаларнинг жорий мавсумдаги статистикаси:
Учрашув олдидан мураббийлар фикри.
Клод Пюэль янги футболчи Юри Тилеманс ҳақида: “У бизга майдон марказида 3 та ўйинчи билан ўйнашимизга имкон беради. Юри бизга эркин зарбалар ва жарима майдони ичида эркин зарба бериш учун яхши имконият беради. Юри тизимни шакллантирувчи футболчи. У гол уришни яхши кўради ва жуда ақлли футболчи. Бундай футболчилар билан бирга ишлаш қизиқарли”, - дейди Пюэль.
Оле-Гуннер Сульшер Марсьял ҳақида: “Марсьял вазиятларни якунлаш бўйича уста. У ҳали ёш ва ақлли. У нима қилаётганини яхши тушунади. Мен ундан нима хоҳлаётганимни яхши билади. Мен у каби кўп тезкор футболчиларни кўрмаганман. Биз унга фаолиятини ривожлантиришга ёрдам беришга тайёрмиз. Умид қиламан, У бундан фойдаланади”, - дейди Сульшер.
Жамоаларнинг АПЛдаги ўзаро учрашувлар статистикаси:
Учрашув ҳаками: Майк Дин
Мазкур баҳсни Майк Дин бошчилигидаги ҳакамлар бригадаси бошқариб боради. У жорий мавсум 23 та ўйинни бошқарган. У шу ўйинлар мобайнида 94 та сариқ ва 10 та қизил карточка кўрсатган. Дин жорий мавсум АПЛдаги энг кўп карточка кўрсатган ҳакам ҳисобланди. У биринчи даврада “МЮ” футболчиси Матичга ҳам “Уотфорд”га қарши баҳсда қизил карточка кўрсатган эди.
Тахминий таркиблар:
“Лестер Сити” – “Манчестер Юнайтед”
“Лестер Сити”: Шмейхель, Чилвелл, Магуайер, Морган, Перейра, Менди, Тилеманс, Ндиди, Мэддисон, Грей, Варди.
“Манчестер Юнайтед”: Де Хеа, Шоу, Жонс, Линдлёф, Янг, Погба, Матич, Эррера, Лингард, Санчес, Решфорд.
Эслатиб ўтамиз, Мазкур баҳс Тошкент вақти билан 19:05да “King Power” стадионида старт олади. Ҳориж манбалари бу ўйинда “МЮ” ғалабасини тахмин қилишмоқда. Бироқ, “Лестер”нинг сўнгги ўйинларда кўрсатаётган ўйинини ҳисобга оладиган бўлсак, Оле-Гуннер шогирдларига “King Power”да осон бўлмайди.
Жалолиддин Қобилжонов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
