Испания кубогининг ярим финал босқичи доирасида дастлабки "эл-класико" "Камп Ноу"да бўлиб ўтди. "Барселона" бош мураббийи Вальверде 3 кун олдин енгил жароҳат олган Мессига нисбатан таваккал қилишни истамади ва уни захирада қолдирди. Солари ҳам бошланғич таркибда кутилмаган айрим қарорларга қўл урди. Жумладан, Каземиро ўрнига Льоренте, Бэйл ўрнига Жуниор туширилди.
Учрашувнинг илк дақиқаларини фаол ўтказган "Реал" тезкор гол уришга муваффақ бўлди. Винисиус Жуниор ўнг қанотдан ҳаволатиб "Барса" жарима майдончасининг олис устуни томон узатма берди. Лангле тўп учун сакради, аммо унинг ортида турган Бензема тўпни эгаллади ва дарвозабон майдончасига етказди. Ҳимоячиларни ортда қолдирган Васкес дарвозани ишғол қилди!
Мазкур гол тактик жиҳатдан "Мадрид"га устунликни тақдим қилди. Улар ишончли ҳимояланиб, қарши ҳужумдан фойдаланиш пайида бўлишди. Баҳснинг 20-дақиқасида эса Малком ажойиб имкониятдан фойдалана олмади. Суареснинг узатмасидан кейин бразилиялик футболчи яккама-якка вазиятга чиқиб кетди, аммо унинг зарбасини Кейлор Навас бартараф этди. Учрашувнинг 32-дақиқасида эса Малком ўнг қанотдан жарима зарбасини амалга оширди. Ракитич бош билан йўллаган зарбадан кейин тўп тўсинга тегиб қайтди. Орадан 3 дақиқа ўтиб "кўк-анорранглилар" Малкомнинг фаоллиги эвазига яна бир голга тортадиган яратишди. Суарес томонидан 15 метрлардан бурчак томон йўлланган айланма зарбани Кейлор ажойиб сэйв билан қайтарди.
Иккинчи бўлимда, кутилганидек, каталонияликлар фаолликни янада оширишди. Баҳснинг 57-дақиқасига келиб "Реал" ҳимояси рақиб ҳужумини ўтказиб юборди. Олис масофадан етказилган узатма натижасида Альба бирга-бир вазиятга чиқиб кетди ва зарба берди. Навас зарбани қайтарди. Тўпга биринчи бўлиб етиб келган Суарес жарима майдончаси бурчагидан зарба берди. Тўп яқин устунга тегиб, нариги томонга кетди. Малком тўпга етиб келди ва чап оёқда зарба бериб, дарвозани ишғол этди. Кейлор жойига қайтишга улгурмаганди.
Шундан сўнг майдонга Месси ва Бэйл туширилди. Уларнинг баҳсга қўшилиши ўйиннинг боришига таъсир кўрсатди, аммо ҳисоб бошқа ўзгармади.
Ўйин сўнгида жамоалар биттадан гол уриш имкониятига эга бўлишди. Мадридликлар рақиб жарима майдончаси атрофида прессинг уюштираётган пайтда Тер Штеген тўпни майдон марказига етказиб, жуда хавфли ҳужумга асос солди. Мессининг узатмасидан кейин Аленья чап томондан олдинга ўтди ва 16 метрдан зарба берди. "Реал" футболчиси зарба йўлига ғов бўлди. Карлесда бошқа вариант ҳам бор эди: ўнг қанотдан жарима майдончасига кирган икки нафар жамоадошига пас бериш. Агар ярим ҳимоячи ушбу вариантни танлаганида, мезбонлар раиқб дарвозасини ишғол қилишлари мумкин эди.
Ўйин тугашига 8 дақиқа қолганида олис масофадан етказилган узатмага Тер Штеген ўз жарима майдончасини тарк этганча чиқиб келди ва бош билан тўпни қайтарди. Тўп Бенземага келиб тушди ва у дарҳол очиқ турган Бэйлга пас берди. Уэльслик футболчи бўш қолган дарвозани ишғол эта олмади. Унинг зарбасига йўлига Семеду оёқ қўйишга улгурди!
Жавоб учрашуви 27 февраль куни Мадридда бўлиб ўтади. Финал йўлланмаси тақдири ўша куни ҳал бўлади.
Испания кубоги, ярим финал, дастлабки ўйин.
БАРСЕЛОНА - РЕАЛ МАДРИД 1:1 (0:1)
Голлар: 0:1 – 6 Васкес, 1:1 – 57 Малком.
Барселона – тер Штеген, Пике, Альба, Нелсон Семеду, Лангле, Артур, Бускетс, Коутиньо (Месси, 63), Ракитич (Видаль, 63), Малком (Аленья, 76), Суарес.
Реал Мадрид – Навас, Варан, Марсело, Карвахаль, Рамос, Кроос, Льоренте (Каземиро, 63), Васкес (Асенсио, 84), Модрич, Винисиус Жуниор (Бэйл, 64), Бензема.
Огоҳлантиришлар: Рамос (10), Нелсон Семеду (43), Суарес (56), Марсело (57), Альба (58), Видаль (88).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
