Футболда тезлик катта роль ўйнаши ҳеч кимга сир эмас. Месси, Роналдо, Бейл, Леннон, Уолкот сингари футболчилар сўнгги беш йилликда бу борада рейтингда юқори ўринларда эдилар. Вақт ўз сўзини айтади деганларидек, бу ўйинчилар янги авлод футболчиларининг тезлиги олдида бироз орта қолишмоқда.
Иняки Уиллямс
Атлетик Билбао клуби ҳужумчисининг тезлиги ҳақида Европада анча шов-шув кўтарилди.Футболчининг «совчиси» кўпайиб бораётганини кўрган клуб у билан узоқ муддатли шартнома тузди ва тавон пулини 10 миллиондан 80 миллион еврога кўтариб қўйди. Футболчи ҳали ёш ва келажаги порлоқ бўлиши учун ишлашда тўхтаб қолмаслиги зарур. Унинг ҳозирча максимум тезлиги соатига 35.6км ни ташкил этмоқда.
Муҳаммад Салоҳ
У ҳақида ортиқча сўзлашнинг хожати бўлмаса керак. Бу футболчининг персонал мухлислариннг ўзи ҳозирда миллионлаб топилади. У ҳақида кўп ва ҳўб ёзишди. 175 см бойга эга бўлишига қарамасдан ҳужумчи АПЛ доирасидаги учрашувлардан бирида соатига 36 км тезликда ҳаракат қилди ва ўз рекордини янгилади. Салоҳнинг энг катта устунлиги қисқа масафоларда тезликни бирданига ошира олиши десак, адашмаган бўламиз.
Пьер-Эмерик Обамеянг
Арсенал ҳужумчиси Дортмунд клубида ўйнаб юрган пайтлари сайёранинг энг тезкор атлетларидан бири эди. У Бундеслига доирасидаги учрашувлардан бирида соатига 36.3 км тезликда ҳаракат қилди. Бу оддий инсоннинг ўртача тезлигидан икки баравар кўп дегани.
Эктор Бельерин
«Тўпчилар» сафидаги ҳақиқй ракетага айланган футболчи клубнинг асосий ўйинчиларидан бири. Унинг тезлиги АПЛ доирасидаги учрашувлардан бирида соатига 37 км гача кўтарилган эди. Бу яқин кунларимизгача мутлоқ рекорд натижа эди.
Киллиан Мбаппе
Бу йигитча футбол оламига ҳам катта тезликда кириб келди. Унинг ёш бўлишига қарамасдан майдонда кўрсатаётган ўйинлари таҳсинга сазовор. Айниқса, Россия яшил майдонларида ўтган мундиалда Аргентина терма жамоасига қарши кечган учрашувда кўрсатилган тезлик рекордларни янгилаб юборди. Футболчи ўша учрашувда 39.1 км соат тезликда югуришга муваффақ бўлди. Айтиш жоиз, ўша турнирда Франциянинг ғолиб бўлишида Мбаппенинг хизматлари катта
Яҳёхўжа Улуғхўжаев
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
