Бугун футбол куни десак, адашмаган бўламиз. Бизни бир-биридан қизиқ учрашувлар кутиб турибди. Бу футбол матчларини ўтказиб юборманг
20 : 00 - Спорт ТВ ОЧЛ
“Персаполис: “Пахтакор”
Қитъамизнинг икки кекса ва шонли тарихга эга клублари яна тўқнаш келмоқда. Арвеладзе ҳақида кўплаб танқидий мақолалар ёзиб “халқ жамоаси” мухлисларининг “севимли”сига айланган бўлсам ҳам, бу клубимизга доим ғалаба тилаганман ва тилашда давом этаман. Ўйинга тўхталсак. “Пахтакор”нинг гуруҳи анчайин жиддий. Арвеладзе бошчилигидаги “Шерлар” бу учрашув стратегик аҳамиятга эга. Сабаби, агар шерлар меҳмонда очко олишни уддалашса, ҳал қилувчи турларда олинган очко қўл келиши аниқ. 15 йилдан бери сийқаси чиқиб кетган (Мавсум бошланмади, футболчиларимиз формада эмас,) баҳоналар энди ўтмайди. Осиёда клуб ўз ўрнига эга бўлишни хоҳласа, рақиб танламасдан фақат ва фақат ғалаба учун майдонга тушамиз. Биз Арвеладзе жамоасидан шиддатли ва кескин ўйин кутиб қоламиз. Зеро бу клуб азалдан шундай ўйнаган ва мухлисларини ғалабаларга ўргатиб қўйган!
22:05 Спорт Тв ОЧЛ
Ал-Аҳли : АЛ-Садд
Ўз гуруҳидаги икки фаворит биринчи турдаёқ тўқнаш келмоқда. Бу учрашув ғолиби катта эҳтимол билан ўз гуруҳининг 1-ўрни учун кураш олиб бориши аниқ. Икки клуб ҳам ажойиб мураббий ва легионерларга эга. Ушбу учрашув ОЧЛ гуруҳ босқичини безаб бериши аниқ.
01:00-Футбол ТВ ЭЧЛ
“Реал Мадрид” : “Аякс”
Қироллик клуби “Эл-Классико”лардаги мағлубиятлардан сўнг бугунги учрашувда бор аламини тўкиб сочиши аниқ. “Аякс” эса кичик имкониятлардан фойдаланишга ва биринчи бўлиб гол уришга интилади. Умуман олган бу жуфтлик ўртасидаги биринчи учрашув ҳеч нарсани ҳал қилганича йўқ. Имконият икки клубда ҳам мавжуд. Агар “Аякс” биринчи бўлиб ҳисобни очса, ўйин томоша боп футболга айланиб кетади. Сабаби, Солари ҳужумкор футбол тарафдори. “Аякс” эса Европанинг энг иқтидорли футболчиларини ўз сафида жамлаган. Кўрамиз бу учрашувда “Юлдузлар жамланган” жамоанинг қўли баланд келдими ёки “Иқтидорларга суянган” клуб ғалаба қозонадими?
“Боруссия Дортмунд”: “Тоттенҳем”
01:00-Узрепорт ТВ
Бугунги футбол кунинг дисерт учрашуви! Тўғриси, бу учрашув қандай якунланишини олдиндан ҳеч ким айта олмайди. Инглиз клуби АПЛ да кетма кет очко йўқотганига қарамасдан Германияда осонликча таслим бўлмаслиги аниқ! “Боруссия“ эса ўз уйида қандай ўйнашни биладиганлар сирасига киради. Умуман олганда бизни бугун ажойиб ўйин кутиб турибди!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
