Европа чемпионлар лигасининг ярим финал босқичи доирасида дастлабки ўйин бўлиб ўтди. Мавсум кашфиётига айланган «Аякс» ҳазиллашмаётганини яна бир марта исботлади. Амстердамликлар Лондонда «Тоттенхэм»ни мағлуб этишди.
Эрик тен Хаг шогирдлари баҳс бошиданоқ қўрқмасдан, дадил ҳаракат қила бошладилар. Улар тўпни ажойиб тарзда назорат қилиб, "Тоттенхэм" футболчиларини тўпсиз югуришга мажбур қилишди. Голландларнинг ҳужумлари тобора кескин кўриниш ола бошлади ва 15-дақиқада ҳисоб очилди.
Зиешнинг узатмасини Донни ван де Беек сўнги ҳимоячи билан бир чизиқда қабул қилди ва яккама-якка вазиятда Уго Льорисни доғда қолдирди. Орадан 9 дақиқа ўтиб амстердамликларнинг яна бир чиройли комбинацияси наф келтириши керак эди. Тадич бу сафар ўткир бурчак остида дарвозабон билан юзма-юз ҳолатда қолди. У ўзи зарба беришга қарор қилди ва унинг зарбасини Льорис оёқлари билан қайтарди. Душан бўш дарвоза қаршисида ёлғиз қолган ван де Беекга пас берганида, ҳисобдаги фарқ ошиши мумкин эди.
Биринчи бўлимнинг иккинчи ярмида лондонликлар ўйин суръатини тенглаштиришди, аммо уларга гол уриш насиб этмади.
Иккинчи таймда устунлик мезбонлар томонида бўлди, аммо голга тортадиган энг хавфли вазиятни "Аякс" футболчилари яратишди. Баҳснинг 78-дақиқасида Мазравий ўнг томондан олдинга ўтиб, ҳужумга асос солди. Зиешнинг узатмасидан кейин тўпни қабул қилган Нерес ўткир бурчак остида зарба берди. Тўп эса устунга тегиб қайтди. Льорис жойида қотиб қолганди.
Қолган дақиқаларда меҳмонлар яхши ҳимояланиб, ғалабани ушлаб қолишди. Жавоб ўйини эса 8 май куни Амстердамда бўлиб ўтади. Финал йўлланмаси тақдири ўша баҳсда ҳал бўлади.
Европа чемпионлар лигаси, ярим финал, дастлабки ўйин
"ТОТТЕНХЭМ" - "АЯКС" - 0:1 (0:1, 0:0)
Гол: 0:1 – 15 ван де Бек.
Тоттенхэм – Льорис, Санчес, Алдервейрелд, Роуз (Дэвис, 79), Вертонген (Сиссоко, 39), Лукас Моура, Эриксен, Алли, Ваньяма, Триппьер (Фойт, 80), Льоренте.
Аякс – Онана, де Лигт, Тальяфико, Велтман, Блинд, ван де Бек, Зиеш (Хунтелар, 87), Тадич, Шене (Мазрауи, 65), Нерес, де Йонг.
Огоҳлантиришлар: Тальяфико (30), Велтман (63).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
