Yevropa chempionlar ligasining yarim final bosqichi doirasida dastlabki o‘yin bo‘lib o‘tdi. Mavsum kashfiyotiga aylangan «Ayaks» hazillashmayotganini yana bir marta isbotladi. Amsterdamliklar Londonda «Tottenxem»ni mag‘lub etishdi.
Erik ten Xag shogirdlari bahs boshidanoq qo‘rqmasdan, dadil harakat qila boshladilar. Ular to‘pni ajoyib tarzda nazorat qilib, "Tottenxem" futbolchilarini to‘psiz yugurishga majbur qilishdi. Gollandlarning hujumlari tobora keskin ko‘rinish ola boshladi va 15-daqiqada hisob ochildi.
Ziyeshning uzatmasini Donni van de Beek so‘ngi himoyachi bilan bir chiziqda qabul qildi va yakkama-yakka vaziyatda Ugo Lyorisni dog‘da qoldirdi. Oradan 9 daqiqa o‘tib amsterdamliklarning yana bir chiroyli kombinasiyasi naf keltirishi kerak edi. Tadich bu safar o‘tkir burchak ostida darvozabon bilan yuzma-yuz holatda qoldi. U o‘zi zarba berishga qaror qildi va uning zarbasini Lyoris oyoqlari bilan qaytardi. Dushan bo‘sh darvoza qarshisida yolg‘iz qolgan van de Beekga pas berganida, hisobdagi farq oshishi mumkin edi.
Birinchi bo‘limning ikkinchi yarmida londonliklar o‘yin sur’atini tenglashtirishdi, ammo ularga gol urish nasib etmadi.
Ikkinchi taymda ustunlik mezbonlar tomonida bo‘ldi, ammo golga tortadigan eng xavfli vaziyatni "Ayaks" futbolchilari yaratishdi. Bahsning 78-daqiqasida Mazraviy o‘ng tomondan oldinga o‘tib, hujumga asos soldi. Ziyeshning uzatmasidan keyin to‘pni qabul qilgan Neres o‘tkir burchak ostida zarba berdi. To‘p esa ustunga tegib qaytdi. Lyoris joyida qotib qolgandi.
Qolgan daqiqalarda mehmonlar yaxshi himoyalanib, g‘alabani ushlab qolishdi. Javob o‘yini esa 8 may kuni Amsterdamda bo‘lib o‘tadi. Final yo‘llanmasi taqdiri o‘sha bahsda hal bo‘ladi.
Yevropa chempionlar ligasi, yarim final, dastlabki o‘yin
"TOTTENXEM" - "AYAKS" - 0:1 (0:1, 0:0)
Gol: 0:1 – 15 van de Bek.
Tottenxem – Lyoris, Sanches, Alderveyreld, Rouz (Devis, 79), Vertongen (Sissoko, 39), Lukas Moura, Eriksen, Alli, Vanyama, Trippyer (Foyt, 80), Lyorente.
Ayaks – Onana, de Ligt, Talyafiko, Veltman, Blind, van de Bek, Ziyesh (Xuntelar, 87), Tadich, Shene (Mazraui, 65), Neres, de Yong.
Ogohlantirishlar: Talyafiko (30), Veltman (63).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
