Бугун Европа чемпионлар лигасининг ½ финал жавоб учрашуви “Ливерпуль” – “Барселона” учрашуви бўлиб ўтади.
Фактларга асосланиб қарор чиқарадиган бўлсак, бу ўйинда “мерсисайдликлар” “Барселона”га мағлуб бўлиб бўлишди.
Чунки “Ливерпуль”нинг бир нечта етакчи футболчилари муҳим ўйинда жамоасига ёрдам бера олмайди.
Таркиб борасида ҳам сўниб бўлган "Ливерпуль"
Муҳаммад Салоҳ – мисрлик футболчи “Ньюкасл”га қарши ўйинда бошидан енгил жароҳат олди. У “Вулверхэмптон”га қарши ўйинда майдонга тушиш эҳтимоли катта, бироқ ҳаёт-мамот жангида ўйнай олмайди.
Роберто Фирмино – “Ливерпуль” учун яна бир катта йўқотиш. Бразилиялик футболчи Салоҳ каби жамоасининг натижасига катта таъсир ўтказа олади. Аммо Фирмино ҳам бу учрашувни ўтказиб юбориши аниқ бўлиб бўлган.
Наби Кейта – бу футболчини ўрнини боса оладиган футболчилар “Ливерпуль”да етарлича. Лекин Кейта асосий таркиб футболчиси ҳисобланади. Айнан шу фактор бугун панд бериши мумкин.
Адам Лаллана – англиялик футболчи заҳира футболчисига айланиб бўлган бўлсада, заҳирадан майдонга тушиб ўйини кучайтира олади. Бироқ Клопп ушбу футболчининг ёрдамидан ҳам фойдалана олмайди.
Шижоатга қарши ақл
Бугун Клопп уч нафар асосий футболчисиз, тиш-тирноғи билан “қуролланган” “Барселона”га қарши ўйнаши лозим.
Маълум манбаларнинг хабар беришича, германиялик мутахассис бугунги ўйинда тўрт ёки беш нафар ҳужумчини майдонга тушириши мумкин экан. Бу Клоппнинг қўлидан келади албатта, аммо бу иш берармикан?
Қолаверса, ушбу ўйин “Энфилд”да бўлади “Ливерпуль” ўз майдонида анчадан бери мағлубиятга учрамаяпганини ҳисобга олса, “Барселона” учун ҳам мазкур баҳс осон кечмайди.
Эрнесто Вальверде майдонга асосий таркибни туширади, ўйин олдидан мутахассис ротация ишларини амалга оширди.
Бу дегани “Барселона” “Энфилд”да тетик ва чемпионлик кайфияти билан ўйинга тушади. “Ливерпуль” футболчилари эса мағлубият руҳи билан ва икки тарафлама (АПЛ ва ЕЧЛда) тушкунлик билан майдонга тушишлари мумкин.
Чунки улар “қил кўприги”да туришибди. Биргина мағлубият уларни ЕЧЛдан тушириб юборади, биргина дуранг ёки мағлубият АПЛда чемпионликдан маҳрум қилади.
Матбуот анжуманида нима дейилди?
Эрнесто Вальверде, “Барселона” бош мураббийи:
“Мен ўтган ўйинда Мессига дам бердим. Етти кун ичида биз, чемпионатда учта ўйин ўтказдик ва қўшимчасига “Манчестер Юнайтед”га қарши ўйнадик. Ўйлашимча, мен мувозанатни тўғри ушлаб тура олдим.
Бизнинг устунлигимиз чемпион бўлиб бўлганимиз, лекин жорий мавсумда толиқиш муаммоси бор.
“Ливерпуль” – рақибга босим ўтказа оладиган ва юқори темпда ўйнай оладиган кучли жамоа.
Бундай жамоани мағлубиятга учратиш қийин.
Бу мавсум “Ливерпуль” фақат бир марта мағлубиятга учради”, - дейди испаниялик мутахассис.
Юрген Клопп, “Ливерпуль” бош мураббийи:
/cdn.vox-cdn.com/uploads/chorus_image/image/59538453/950307236.jpg.0.jpg)
“Қанча кучли бўлсак, муҳит ҳам ўзгаради. Кўрамиз, уйимизда қанчалик устун бўла олар эканмиз.
Месси мавсум бошида кубокни ютишини маълум қилган эди. Бу мен учун хавфли қўнғироқдай кўринди. Биз ҳам финалга чиқишни истаймиз.
Мен кўрган футболчилар ичида Месси энг яхшиси. Яна Роналду ҳам бор, аммо мен бошқаларга ҳам тўхталиб ўтмоқчиман. Қўл остимда кучли футболчилар ўйнаган. Ҳатто дуранг ҳам энг ёмон натижа бўлади. Барча жамоалар “Барселона”га аниқ режа билан боради, лекин бу режаси иш бермайди”, - дейди германиялик мутахассис.
Ўйинни ким бошқаради?
Мазкур ўйинни туркиялик “шавқатсиз” ҳакам Жюнейт Чақир ҳакамлар бригадаси бошқаради. 42 ёшли мутахассис Еврокубок доирасида 7 та ўйинда ишлади. Охирги марта у “Манчестер Сити” – “Тоттенхэм” учрашувини бошқарди ва бу ўйинда жуда ҳам кўп қизиқарли воқеалар рўй берди.
Бугунги ўйинда жамоалар қандай таркибда майдонга тушишини тахмин қиламиз.
“Ливерпуль”: Алиссон, Александер-Арнолд, Матип, Ван Дейк, Робертсон, Милнер, Вейналдум, Фабиньо, Хендерсон, Мане, Ориги.
“Барселона”: Тер Штеген, Семеду, Пике, Лангле, Альба, Серхи Роберто, Ракитич, Бускетс, Видаль; Суарес, Месси.
Аброр Эшонхонов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
