Трансфер ойнаси очилиши яқинлашган сари миш-мишлар кўпайганидан кўпайиб бормоқда. Бугун биз ишончли манбаларга таянган ҳолда энг сўнгги маълумотлар билан улашамиз.
Гарет Бэйл «Реал Мадрид» билан ўчакишишда давом этмоқда!
«Бетис» клуби билан бўлган учрашувдан сўнг Зидан ва Бэйл ўртасида гап қочганидан хабарингиз бўлса керак. Зидан уни очиқчасига танқид қилди ва унинг келажакдаги режаларида унга жой йўқлигини эълон қилди. Бэйл эса бунга жавобан агар клубдан кетадиган бўлса, 51 миллион евро товон пули тўлашларини талаб қилмоқда! Вазият анча жиддийлашган. Гарет Бэйл билан интервью уюштирган Фернандо Бургес унинг сўзларини ўз блогида эълон қилди. Унда қуйидагилар ёзилган эди: «Мени клуб билан тузган 3 йиллик шартномам бор. Унга кўра, ҳар мавсумда 17 миллион маош олишим керак! Агар мени кетишимни исташса, марҳамат! Агар майдонга тушишимга йўл қўйишмаса, мен 3 йил вақтимни Мадридда гольф ўйнаб ўтказишим мумкин».
Вазият анча жиддий ва муросасиз кўрниш олмоқда!
Киллиан Мбаппе кетиш ҳақида ўйламоқда
Франциялик футболчи мавсум сўнгида «Лига 1»нинг энг яхши ёш ўйинчиси совринини қўлга киритди ва журналистлар учун интервью берди.
"Тўғри, бу мавсумда бир нечта биз кутмаган воқеалар содир бўлди, бироқ футбол шуниси билан томошабоп бўлса, ажаб эмас. Биз бу мавсумда ички чемпионатда зафар қучишни уддасидан чиқдик. Мен яна бир бор жамоадошларимни ва мураббийлар штабини бу ютуқ билан табриклайман. Ҳозир менинг карьерамдаги муҳим паллалардан бири. Балки бурилиш десам тўғрироқ бўлади. Мен бу клубда кўп нарса ўргандим ва ўтган вақтимга сира ачинмайман, бироқ энди кўпроқ масъулиятни бўйнимга оладиган вақт келди. Умид қиламанки, бу клуб «ПСЖ» бўлади. Агар шундай бўлса, мен жону дилим била масъулиятни ўз бўйнимга олишга тайёрман. Балки, бу «ПСЖ» бўлмас? Яна ким билади дейсиз? Мен керагидан ортиқ гапириб юборишни истамайман. Мени эшитмоқчи бўлганлар сўзларимга тушунди деган фикрдаман!", — деб ёзади «Goal» нашри.
Ҳаким Зиёш топ-клублардан бирига ўтишга яқин
«Аякс» клубининг бу мавсумдаги энг яхши ўйинчиси деб топилган марокашлик футболчи ёзда топ-клублардан бирига ўтиши аниқ бўлиб бормоқда. «Аякс» клуби раҳбарларидан бири Марк Овермарснинг айтишича, унга ҳозирда «Барселона» ва «Арсенал» клублари қизиқиш билдирмоқда. Футболчининг ўзи эса, «Арсенал» таркибига бориб қўшилиш ниятида эканлигини яшириб ўтирмаяпти”, - деб ёзмоқда «Goal» нашри.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
