Африка чемпионлар лигаси финалида можаро юзага келди. Финалга Марокашнинг "Видад Касабланка" ва Туниснинг "Эсперенс" клублари етиб келишди.
24 май куни Марокашда бўлиб ўтган дастлабки ўйинда 1:1 ҳисоби қайд этилди. Бу ўйинда мисрлик ҳакам Геҳад Гриша мезбонлар зарарига хато қилгани учун Африка футбол конфедерацияси уни 6 ойга футболдан четлатди.
31 май куни бўлиб ўтган жавоб ўйинида можаро янада кучайиб кетди. Биринчи бўлимда "Эсперанс" ҳисобни очди. 60-дақиқада эса "Видад" мезбонлар дарвозасини ишғол қилди. Аммо ҳакам голни инобатга олмади. Марокашлик футболчилар VAR тизими орқали вазиятни қайта кўриб чиқишни талаб қилишди. Аммо маълум бўлишича, жавоб ўйинида VAR тизими ўрнатилмаган экан. Тизимни Саудия Арабистонидан Тунисга олиб келиш чоғида Emirates авиакомпанияси ходимининг айби билан "Hawk-Eye"га тегишли 3та қутидан 1таси аэропортда қолиб кетган. Натижада финалда бўлиб ўтаётган стадионда VAR тизими ўрнатилмай қолган.
Бекор қилинган гол пайтида ҳакам видеотакрорларни кўра олмагани боис "Видад" футболчилари норозилик сифатида майдонни тарк этишди. Учрашувни стадионда томоша қилаётган Африка футбол конфедерацияси президенти Аҳмад Аҳмад бир ярим соат давомида ҳакамлар ва "Видад" вакиллари билан гаплашиб, ўйинни қайта тиклашга уринган. Аммо унинг уринишлари бекор кетди. Натижада ўша баҳсда марокашликларга техник мағлубиятга ёзишга қарор қилинди ҳамда "Эсперанс" футболчилари Кубок ҳамда медаллар топширилди.
Африка футбол конфедерацияси Ижроқўми вазиятни ўрганиб чиқиб, "Эсперанс" ва "Видад" жамоалари ўртасидаги жавоб ўйини натижасини бекор қилиш ҳақида қарор чиқарди. Сабаб — жавоб баҳсида VAR тизими ўрнатилмаган. Ушбу қарордан кейин тунисликлар ўзларига топширилган Кубок ва медалларни АФКга қайтаришлари керак бўлади.
Жавоб ўйини нейтрал майдон — Жанубий Африка Республикасида ўтказиладиган бўлди. "Эсперанс" эса мазкур қарор юзасидан Спорт арбитраж судга мурожаат қилиши ҳақида баёнот берди. Аммо ўйин қайтадан ўтказилмагунча CAS бу ишни кўриб чиқмайди. Жавоб ўйинини эса бошқа қитъа ҳакамлар бошқариб боришади.
Инобатга олинмаган гол ва ундан кейин юзага келган можаро видеоси:
Манба: Футболиум телеграм канали
Киритилди: 06:42, 06.06.2019. Ўқилди: 9576 марта. Фикрлар: 3 та.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
