Afrika chempionlar ligasi finalida mojaro yuzaga keldi. Finalga Marokashning "Vidad Kasablanka" va Tunisning "Esperens" klublari yetib kelishdi.
24 may kuni Marokashda bo‘lib o‘tgan dastlabki o‘yinda 1:1 hisobi qayd etildi. Bu o‘yinda misrlik hakam Gehad Grisha mezbonlar zarariga xato qilgani uchun Afrika futbol konfederasiyasi uni 6 oyga futboldan chetlatdi.
31 may kuni bo‘lib o‘tgan javob o‘yinida mojaro yanada kuchayib ketdi. Birinchi bo‘limda "Esperans" hisobni ochdi. 60-daqiqada esa "Vidad" mezbonlar darvozasini ishg‘ol qildi. Ammo hakam golni inobatga olmadi. Marokashlik futbolchilar VAR tizimi orqali vaziyatni qayta ko‘rib chiqishni talab qilishdi. Ammo ma’lum bo‘lishicha, javob o‘yinida VAR tizimi o‘rnatilmagan ekan. Tizimni Saudiya Arabistonidan Tunisga olib kelish chog‘ida Emirates aviakompaniyasi xodimining aybi bilan "Hawk-Eye"ga tegishli 3ta qutidan 1tasi aeroportda qolib ketgan. Natijada finalda bo‘lib o‘tayotgan stadionda VAR tizimi o‘rnatilmay qolgan.
Bekor qilingan gol paytida hakam videotakrorlarni ko‘ra olmagani bois "Vidad" futbolchilari norozilik sifatida maydonni tark etishdi. Uchrashuvni stadionda tomosha qilayotgan Afrika futbol konfederasiyasi prezidenti Ahmad Ahmad bir yarim soat davomida hakamlar va "Vidad" vakillari bilan gaplashib, o‘yinni qayta tiklashga uringan. Ammo uning urinishlari bekor ketdi. Natijada o‘sha bahsda marokashliklarga texnik mag‘lubiyatga yozishga qaror qilindi hamda "Esperans" futbolchilari Kubok hamda medallar topshirildi.
Afrika futbol konfederasiyasi Ijroqo‘mi vaziyatni o‘rganib chiqib, "Esperans" va "Vidad" jamoalari o‘rtasidagi javob o‘yini natijasini bekor qilish haqida qaror chiqardi. Sabab — javob bahsida VAR tizimi o‘rnatilmagan. Ushbu qarordan keyin tunisliklar o‘zlariga topshirilgan Kubok va medallarni AFKga qaytarishlari kerak bo‘ladi.
Javob o‘yini neytral maydon — Janubiy Afrika Respublikasida o‘tkaziladigan bo‘ldi. "Esperans" esa mazkur qaror yuzasidan Sport arbitraj sudga murojaat qilishi haqida bayonot berdi. Ammo o‘yin qaytadan o‘tkazilmaguncha CAS bu ishni ko‘rib chiqmaydi. Javob o‘yinini esa boshqa qit’a hakamlar boshqarib borishadi.
Inobatga olinmagan gol va undan keyin yuzaga kelgan mojaro videosi:
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
