Бугун Универсиаданинг тўққизинчи кунида 4 та спорт тури бўйича 6 нафар талаба спортчимиз енгил атлетика, теннис, таэквондо WТF ва бадиий гимнастика спорт турлари бўйича баҳсларда иштирок этишади.
Бугунги кун мусобақаларида иштирок этаётган спортчиларимиз билан танишинг:
Бадиий гимнастика:
Раҳматова Дилдора
Енгил атлетика:
Владислав Палюнин – найза улоқтириш (финал)
Йигитларимиз Санжар Файзиев ва Ҳумоюн Султонов жуфтлиги финал йўлланмаси учун хитойлик Ҳао Ву ва Шуаи Хуга қарши баҳс олиб боришади. Яккалик баҳсларида эса Санжар Файзиев россиялик Иван Гаховга қарши чорак финал ўйинини ўтказади ҳамда ўтиш баҳсларида иштирок этаётган Лайло Баҳодирова аргентиналик Рокио Даниела Мерлога қарши кортга тушади.
Шунингдек, бугунги баҳсларда икки нафар таэквондочимиз иштирок этмоқда. Биринчи даврада германиялик Ричтер Жасминни мағлубиятга учратган Зария Қосимова (- 62 кг) навбатдаги жангда туркиялик Ирем Яманга қарши баҳс олиб боради. Бироздан сўнг бугунги баҳсларда -74 кг вазн тоифасида иштирок этаётган юртдошимиз Шаҳбоз Шофайзиев дастлабки рақиби қозоғистонлик Лесс Абдусаматга қарши даянга тушади.
Жисмоний тарбия ва спорт вазирлиги
Матбуот хизмати
Матнда хатолик топсангиз, ўша хатони белгилаб, бизга жўнатинг (Ctrl + Enter).