Куннинг энг муҳим трансфер янгиликлари билан таништиришда давом этамиз
Мойзе Кин кетадиган кўринади
Гонзало Игуаиннинг клубдан кетмагани боис, «Ювентус» ўз ҳужумчисини сотишга мажбур бўлмоқда. Сезганингиздек, гап ёш иқтидорли Мойзе Кин тўғрисида бормоқда. Мина Раёла қанчалар уни клубда олиб қолишларига урунмасин «Юве»нинг сўзи Игуаинга ўтмади ва Мойзе Кин бошқа клуб сафига ўтадиган бўлди.
Бугун «Арсенал» иккинчи бор «Ювентус»га расмий таклиф билан чиқди. Биринчи бор футболчи учун 25 миллион евро таклиф қилинган бўлса, бу сафар 35 миллион ва турли бонуслар таклиф қилинди. Футболчининг агенти Мино Раёланинг хабар беришича тез орада Кин «Арсенал» футболчисига айланади.
Асенсио сотилмайди
Мадриднинг «Реал» жамоаси Асенcиони сотиб юбормоқчи деган миш – мишлар сўнгги пайтда урчиб кетган бўлсада, аслида вазият ўзгача.
«Марcа» нашрининг хабар беришича шу кунларда клубга футболчи учун 6 та жамоадан таклиф келиб тушган. Улар орасида «Ливерпуль», «Тоттенҳем», «Наполи» сингари гранд жамоалар ҳам мавжуд. «Қироллик клуби» ўз футболчисини жамоада сақлаб қолишга қарор қилди ва у ҳақидаги ҳеч қандай таклифларни кўриб чиқмаслигини расман эълон қилди.
«Барселона» Месси учун янги шартнома тайёрламоқда
“Каталониянинг «Барселона» жамоаси ўз етакчси Лео Мессига янги шартнома таклиф этмоқчи”, - деб хабар тарқатмоқда «РеадФоотбалл» нашри.
Футболчининг ҳозириги шартномаси 2021 – йилга қадар мўлжалланган бўлиб, у энг кўп маош олувчи футболчилар орасида пешқадамлик қилади. Клуб Мессига 2 йилга мўлжалланган шартнома таклиф қилишни режалаштирмоқда. Бу Месси 36 ёшгача «Барселона» сафида тўп суради дегани.
Тез кунларда Мессининг отаси ва клуб ўртасида музокаралар бошланади.
Сулшер Дибалани қўлга киритмоқчи
“Италиянинг «Ювентус» клуби футболчиси Пауло Дибала «Манчестер Юнайтед» эътибор марказида турибди”, - деб хабар тарқатмоқда «Реадфоотбалл» нашри. Унга кўра, Сулшер Дибалани жамоани етакловчи футболчи сифатида клубга таклиф қилиб, ўйинни унинг атрофида қуришни режа қилган.
«Манчестер Юнайтед» ўз футболчиларидан бирини сотиб юборгачгина Дибала трансферига киришмоқчи. «Ювентус» ўз футболчисни сотиб юбориш мақсадида унинг трансфер қийматини ҳам бироз камайтиришга рози бўлди. Унга кўра, Дибала эндиликда 100 миллион евро эмас, балки 70 миллион атрофида баҳоланмоқда.
«Наполи» ўз трансфер нишонини ўзгартирди
Шу кунларда Икарди ва Хамес билан оввора бўлиб қолган Италиянинг «Наполи» клуби ўз трансфер нишонини ўзгартирди. Эндиликда жамоа бор эътиборини «ПСВ» жамоасининг мексикалик ҳужумчиси Ирвинг Лозанога қаратади.
Трансфер ойнаси очилиши биланоқ «Наполи» футболчига оғиз солиб кўрган, бироқ унинг қимматроқ эканлигини билган Де Лауринтис арзонроқ вариянтларни излашга тушиб кетган эди. Мана орадан 20 кун ўтиб «Наполи» яна Лозано трансферига қайтди. Ҳозирда икки клуб футболчининг трансфер қийматини камайтириш борасида музокаралар ўтказмоқда.
Эслатиб ўтамиз, Лозано ўтган мавсумда 30 та учрашувда майдонга тушди ва 17 та гол киртишга муваффақ бўлди. Бундан ташқари унинг ҳисобида 12 та голли узатма мавжуд.
«Ювентус» Матиюдининг нархини эълон қилди
Жамоа билан яна бир йиллик шартномаси қолган Блес Матиюди шу кунларда ўз жамоасини ўзгартириши кутилмоқда. «Ювентус» унинг трансфер нархини эълон қилди. Футболчини қўлга киритишни истаган клублар 25 миллон евродан воз кечиши шарт!
Ҳозирда футболчи учун курашда «Монако»
етакчилик қилмоқда. Французнинг ўзи ҳам сўнгги мавсумларини юртида ўтказишни истагани боис катта эҳтимол билан унинг кейинги манзили «Монако» клуби бўлади.
Эслатиб ўтамиз, 32 ёшлик футболчи ўтган мавсумда 31 та учрашувда майдонга тушиб, 3 та гол ва шунча асистга муалифлик қилган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
