Португалиялик футболчи ҳақида гап кетганда, унинг майдон ичидаги ҳаркатлари муҳокама қилинадию унинг ҳаётда аслида қандай эканлиги четда қолиб кетади. Бугун Роналду томонидан сўнгги йилларда амалга оширилган эзгу ишлар ҳақида сўз боради. Бу маълумотларни ўқиган инсон Роналдуга нисбатан қалбида бироз илиқлик сезса, ажаб эмас.
Фаластинликлар эркатойи
Португалиялик футболчи 2011 – йилда қўлга киритган «Олтин тўп» ва «Олтин бутса» совринларини пуллаган ва ундан тушган даромадга (1,5 миллион евро) Фаластин халқи учун катта ва замонавий ўқув қуроллари билан жиҳозланган мактаб қуриб беради. Футболчининг бундан аввал ҳам Фаластин халқига кўп бор кўмак берган бўлсада, буни сир тутишга урингани таҳсинга сазовар. Португалияликни Фаластинда жуда ҳурмат қилишади. Қайсидир маънода футболчи Фаластиндаги ҳар бир оилаларнинг яқин қариндошидек қалбан яқин, сабаби футболчи ҳар сафар муборак рамазон байрами чоғида Фаластиннинг камбағал оилаларига совға - саломлар улашади. Мисол учун 2014-йилда футболчи умумий ҳисобда 2 миллион еврони фаластинликларга рамазон ҳадияси этиб тарқатган бўлса, ўтган йили қаҳрамонимиз ҳайит байрами муносабати билан яна 1, 5 миллион еврони мусулмонлар учун совъга тариқасида тақдим этди. Шундай бўлсада, Фаластин халқининг Роналдуга бўлган меҳри пул сабабли эмас.
Гап шундаки, футболчи давлатдаги сиёсий аҳволга қарамасдан, бир неча бор Ғазо секторига ташриф буюрди ва кичик футболчилар билан учрашган. Келажакка умидсизлик билан боқувчи ғамгин болакайларнинг оз фурсатга бўлсада энг бахти болаларга айлантирган Криш ҳозирги кунда Фаластин хақлининг чинакам эркатой фарзанди десак, адашамаган бўламиз.
Роналду 2013-йилда терма жамоа сафида Исроилга қарши баҳсдан сўнг, кўплаб рақиб футболчиларининг илтимосига қарамасдан ўз футболкасини алмаштиришдан бош тортади. «Daily Mail» нашри ушбу воқеадан сўнг «футболчи ўзининг бу иши билан Фаластин томонида эканлигига ишора қилади» деб ёзган эди
Футболчи тарбиялаган болакай
.jpg)
2004-йил Ҳинд океани бўйидаги давлатлар учун жуда оғир келгани кўпчиликнинг ёдидан кўтарилмаган бўлса керак. Ўша йили «Цунами» 200 минг кишини ҳалок қилган, деярли, миллиондан ошиқ инсонлар бошпанасиз қолган эди. 20 ёшлик Роналду «Цунами»дан жабр кўрганларга ёрдам бериш борасида ўтказилган ҳайрия ишларида фаол иштирок этади ҳам қизиқарли, ҳам ачинарли ҳодисадан хабар топади.
.jpg)
Мартунис исимли 7 ёшлик болакай табиий офат туфайли оила аъзоларидан айрилади ва 2 ҳафта мобайнида бир ўзи ҳаёт кечиришга мажбур бўлади. Қутқарувчилар уни топиб олишганида болакайнинг устида Португалия терма жамоаси футболкаси бор эди. Бу воқеадан хабар топган Роналду кичкинтой Мартунисни ўз қармоғига олади. Аввалига болакатнинг ҳисоб рақамига 60 минг евро ўтказиб берган футболчи кейинчалик уни тўлиқ ўз қарамоғига олади. Энг қизиғИ шундаки, ўша болакай ҳозирда анча улғайган ва «Спортинг» клуби ёшлар жамоасида шуғулланиб келмоқда.
Роналду ва Эрик
2014-йилда Роналдуга 10 ойлик чақалоқ Эрикнинг ота-онасидан хат келади. Унда бечора ота-она Роналдунинг футболкаси ва бутсаларидан бирини совға қилишларини илтимос қилишади. Бу буюмларни сотиб фарзандининг операциясига пул жамғаришни режа қилган бечора ота-она Роналдунинг тантилигига қойил қолишди.
.jpg)
Гап шундаки, португалиялик аввалига ўз футболкаси ва оёқ кийимини жўнатади. Кейинчалик эса, болакайнинг операциясини ва тўлиқ тикланишини ўз ҳисобидан молиялаштиради. 2014-йилдаги ЖЧда футболчи янгича соч турмагини намойиш этади.
Аслида, бу Эрикнинг бошидаги чандиққа тақлид қилиб чиздирилган белги бўлиб, футболчи шу йўсинда Эрикни руҳан қўллаб турди.
Ҳозирда Эрик касалдан тўлиқ фориғ бўлган ва одатий болалар сингари ҳаёт кечирмоқда. Футболчи болакайнинг ота-онаси ҳақидаги маълумотларни тўлиқ беришдан бош тортгани боис, бу ҳикоя тўлиқ ўрганилмаган.
Болалиги ўтган шаҳар
2017-йилда Криштияно туғулиб ўсган Мадеро шаҳрида катта ёнғин кузатилгани кўпчиликнинг ёдидан кўтарилмаган бўлса, ажаб эмас. Ўша табиий офатдан сўнг, шаҳарнинг жуда катта қисми харобага айланган, футболчининг кўплаб ҳамшаҳарлари тан жароҳати олиб касалхоналарга ётқизилган эди.
Португалиялик футболчи бундай аянчли воқеага жим қараб тура олмади. Футболчи ўрмон ёнғинларини тўхтатиш мақсадида 3 миллион евро сарфлабгина қолмай, 300 дан зиёд ҳамшаҳарларини касалхона харажатлари ва дори-дармонлар билан тўлиқ таъминлайди.
Муалиффдан: Аслида футбол оламининг энг машҳур инсонларидан бири саналадиган Роналдунинг қилган савобли ишлари жуда ҳам кўп. Биз иложи борича камроқ ўрганилганлари ҳақида баён қилишга урундик.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
