Portugaliyalik futbolchi haqida gap ketganda, uning maydon ichidagi harkatlari muhokama qilinadiyu uning hayotda aslida qanday ekanligi chetda qolib ketadi. Bugun Ronaldu tomonidan so‘nggi yillarda amalga oshirilgan ezgu ishlar haqida so‘z boradi. Bu ma’lumotlarni o‘qigan inson Ronalduga nisbatan qalbida biroz iliqlik sezsa, ajab emas.
Falastinliklar erkatoyi
Portugaliyalik futbolchi 2011 – yilda qo‘lga kiritgan «Oltin to‘p» va «Oltin butsa» sovrinlarini pullagan va undan tushgan daromadga (1,5 million yevro) Falastin xalqi uchun katta va zamonaviy o‘quv qurollari bilan jihozlangan maktab qurib beradi. Futbolchining bundan avval ham Falastin xalqiga ko‘p bor ko‘mak bergan bo‘lsada, buni sir tutishga uringani tahsinga sazovar. Portugaliyalikni Falastinda juda hurmat qilishadi. Qaysidir ma’noda futbolchi Falastindagi har bir oilalarning yaqin qarindoshidek qalban yaqin, sababi futbolchi har safar muborak ramazon bayrami chog‘ida Falastinning kambag‘al oilalariga sovg‘a - salomlar ulashadi. Misol uchun 2014-yilda futbolchi umumiy hisobda 2 million yevroni falastinliklarga ramazon hadiyasi etib tarqatgan bo‘lsa, o‘tgan yili qahramonimiz hayit bayrami munosabati bilan yana 1, 5 million yevroni musulmonlar uchun sov’ga tariqasida taqdim etdi. Shunday bo‘lsada, Falastin xalqining Ronalduga bo‘lgan mehri pul sababli emas.
Gap shundaki, futbolchi davlatdagi siyosiy ahvolga qaramasdan, bir necha bor G‘azo sektoriga tashrif buyurdi va kichik futbolchilar bilan uchrashgan. Kelajakka umidsizlik bilan boquvchi g‘amgin bolakaylarning oz fursatga bo‘lsada eng baxti bolalarga aylantirgan Krish hozirgi kunda Falastin xaqlining chinakam erkatoy farzandi desak, adashamagan bo‘lamiz.
Ronaldu 2013-yilda terma jamoa safida Isroilga qarshi bahsdan so‘ng, ko‘plab raqib futbolchilarining iltimosiga qaramasdan o‘z futbolkasini almashtirishdan bosh tortadi. «Daily Mail» nashri ushbu voqeadan so‘ng «futbolchi o‘zining bu ishi bilan Falastin tomonida ekanligiga ishora qiladi» deb yozgan edi
Futbolchi tarbiyalagan bolakay
.jpg)
2004-yil Hind okeani bo‘yidagi davlatlar uchun juda og‘ir kelgani ko‘pchilikning yodidan ko‘tarilmagan bo‘lsa kerak. O‘sha yili «Sunami» 200 ming kishini halok qilgan, deyarli, milliondan oshiq insonlar boshpanasiz qolgan edi. 20 yoshlik Ronaldu «Sunami»dan jabr ko‘rganlarga yordam berish borasida o‘tkazilgan hayriya ishlarida faol ishtirok etadi ham qiziqarli, ham achinarli hodisadan xabar topadi.
.jpg)
Martunis isimli 7 yoshlik bolakay tabiiy ofat tufayli oila a’zolaridan ayriladi va 2 hafta mobaynida bir o‘zi hayot kechirishga majbur bo‘ladi. Qutqaruvchilar uni topib olishganida bolakayning ustida Portugaliya terma jamoasi futbolkasi bor edi. Bu voqeadan xabar topgan Ronaldu kichkintoy Martunisni o‘z qarmog‘iga oladi. Avvaliga bolakatning hisob raqamiga 60 ming yevro o‘tkazib bergan futbolchi keyinchalik uni to‘liq o‘z qaramog‘iga oladi. Eng qizig‘I shundaki, o‘sha bolakay hozirda ancha ulg‘aygan va «Sporting» klubi yoshlar jamoasida shug‘ullanib kelmoqda.
Ronaldu va Erik
2014-yilda Ronalduga 10 oylik chaqaloq Erikning ota-onasidan xat keladi. Unda bechora ota-ona Ronalduning futbolkasi va butsalaridan birini sovg‘a qilishlarini iltimos qilishadi. Bu buyumlarni sotib farzandining operasiyasiga pul jamg‘arishni reja qilgan bechora ota-ona Ronalduning tantiligiga qoyil qolishdi.
.jpg)
Gap shundaki, portugaliyalik avvaliga o‘z futbolkasi va oyoq kiyimini jo‘natadi. Keyinchalik esa, bolakayning operasiyasini va to‘liq tiklanishini o‘z hisobidan moliyalashtiradi. 2014-yildagi JCHda futbolchi yangicha soch turmagini namoyish etadi.
Aslida, bu Erikning boshidagi chandiqqa taqlid qilib chizdirilgan belgi bo‘lib, futbolchi shu yo‘sinda Erikni ruhan qo‘llab turdi.
Hozirda Erik kasaldan to‘liq forig‘ bo‘lgan va odatiy bolalar singari hayot kechirmoqda. Futbolchi bolakayning ota-onasi haqidagi ma’lumotlarni to‘liq berishdan bosh tortgani bois, bu hikoya to‘liq o‘rganilmagan.
Bolaligi o‘tgan shahar
2017-yilda Krishtiyano tug‘ulib o‘sgan Madero shahrida katta yong‘in kuzatilgani ko‘pchilikning yodidan ko‘tarilmagan bo‘lsa, ajab emas. O‘sha tabiiy ofatdan so‘ng, shaharning juda katta qismi xarobaga aylangan, futbolchining ko‘plab hamshaharlari tan jarohati olib kasalxonalarga yotqizilgan edi.
Portugaliyalik futbolchi bunday ayanchli voqeaga jim qarab tura olmadi. Futbolchi o‘rmon yong‘inlarini to‘xtatish maqsadida 3 million yevro sarflabgina qolmay, 300 dan ziyod hamshaharlarini kasalxona xarajatlari va dori-darmonlar bilan to‘liq ta’minlaydi.
Mualiffdan: Aslida futbol olamining eng mashhur insonlaridan biri sanaladigan Ronalduning qilgan savobli ishlari juda ham ko‘p. Biz iloji boricha kamroq o‘rganilganlari haqida bayon qilishga urundik.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
