Мамлакат миллий чемпионатининг 18-турида "Металлург" ўз майдонида Наманганнинг "Навбаҳор" жамоасини қабул қилади. Мазкур жамоалар бугунгача кучлилар сафида 45 марта тўқнаш келишган. Бугунгача ортда қолган ўйинларнинг 12 тасида бекободликлар ғалаба қозонишган бўлишса, 20 баҳсда водийликлар зафар қучишган. 13 та учрашувда томонлар муроса кўчасини танлашган. Очколарни баҳам кўришган. Киритилган ва ўтказиб юборилган тўплар нисбатидаги фарқ рақибларимиз фойдасига – 46:65. Ушбу жамоаларнинг ўзаро қарама-қаршиликларидаги энг йирик ҳисоб 2003 йили қайд этилган. Ўшанда “Металлург” «Навбаҳор»га 0:7 ҳисобида имкониятни бой бериб қўйган. Бу бекободликларнинг олий лига баҳсларидаги ҳам энг йирик мағлубияти ҳисобланади. Уч мавсум муқаддам “Металлург” “Навбаҳор”ни 5:1 ҳисобида доғда қолдириб, бу жамоалар тўқнашувидаги йирик ғалабасини расмийлаштирди. Унгача бекободликлар “Навбаҳор”ни муқаддам учта тўп фарқи билан ютганди.
Бу йилги мавсумда жамоаларнинг Наманганда ўтган ўйинида ҳисоб очилмаганди – 0:0.
Жамоаларнинг Бекободда ўтказилган сўнгги бешта учрашуви:
2018 “Металлург” – “Навбаҳор” – 1:0
2018 “Металлург” – “Навбаҳор” – 0:0
2017 “Металлург” – “Навбаҳор” – 0:0
2016 “Металлург” – “Навбаҳор” – 5:1
2015 “Металлург” – “Навбаҳор” – 2:3
Танишинг, рақибимиз: “Навбаҳор” (Наманган)
“Навбаҳор” мамлакатимизнинг энг номдор жамоаларидан бири ҳисобланади. Мустақиллик йилларида наманганликлар бир марта Ўзбекистон чемпиони (1996) бўлишди. Уч марта Ўзбекистон кубогини бошлари узра баланд кўтаришган бўлишса (1992, 1995, 1998), бир марта суперкубок соҳиблари ҳам бўлишган (1999).
Шунингдек, “Навбаҳор” чемпионатларимизда 8 марта бронза медали билан тақдирланган ва бу борада фақатгина Қаршининг “Насаф” жамоасидан ортда қолаяпти, холос.
Наманган шаҳрида футбол клубига 1974 йилда асос солинган бўлиб, у турли йилларда “Текстильшик” (1974-80), “Автомобилист” (1984-87) номлари билан юритилган. 1981-83 ҳамда 1988 йилдан то ҳозирги кунгача “Навбаҳор” номи билан ўйнаб келаяпти.
Жамоанинг Ўзбекистон чемпионатларидаги тўпурари Шуҳрат Мирхолдиршоев ҳисобланади. У наманганликлар таркибида ўтказган 144 ўйинида рақиблари дарвозасига 127 та гол киритган. У фаолияти давомида жами 222 та гол киритиб. Геннадий Красницкий клуби аъзоси бўлган.
“Навбаҳор” бугунгача Ўзбекистон чемпионатларида 799 та учрашув ўтказиб, шулардан 378 тасида ғалаба қозонган. 154 ўйинда дуранг қайд этиб, 267 учрашувда ютқазган.
Киритилган ва ўтказиб юборилган голлари нисбати 1351:975.
Чемпионатдаги энг йирик ғалабаси – 10:0 (2006 йил, “Хоразм”).
Яна битта эътиборга молик учрашув, бу сермаҳсул ўйини – 10:3 (1996, “Косонсой”).
Энг йирик мағлубияти – 0:7 (2009, “Пахтакор”).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
