Ушбу рукндаги энг сўнги янгиликлар билан таништиришда давом этамиз.
Ҳамес Родригез жамоани тарк этиши мумкин
«Readfootball» нашри тарқатган хабарларга қараганда, футболчининг ҳизматлари билан Италиянинг «Милан» жамоаси жиддий қизиқиб қолган.
«Милан» клуби раҳбарлари «Ателтико Мадрид» ҳужумчиси Анҳел Кореани қўлга киритишни уддалай олмгач, бор эътиборини Колумбиялик футболчига қаратмоқда. Италия клуби спорт директори ҳозирда Мадрид шахрида бўлиб турибди. Ҳамес борасидаги музокараларнинг натижаси эртага маълум бўлиши кутилмоқда. Агарда «Реал Мадрид» футболчининг трансфери борасида келишувга эришса, катта эҳтимол билан Ҳамес ўз фаолиятини «А sерия»да давом эттиради.
Украиналик ҳужумчи Рим клублари нишониа
Бельгиянинг «Генк» клуби ҳужумчиси Роман Ярмечук Рим клублари эътибор марказида турибди.
Ҳозирда «Генк» клубига бир йўла «Рома», «Лацио» жамоаларидан таклиф келиб тушган. Футбол мутахассисларининг фикрича, футболчи катта эҳтимол билан трансфер ойнаси ёпилиш арафасида «Лацио» жамоасига ўтади. Жисмонан бақувват ва майдонни яхши кўра оладиган хужумчи излаётган «бургутлар» украиналик футболчини қўлдан чиқариб юбормасликка урунмоқда.
Ҳозирда Роман Ярмечукнинг трансфер қиймати 4 миллион атрофида баҳоланаётган бўлсада, «Генк» уни 8 миллиондан камига қўйиб юбормоқчи эмас.
Эслатиб ўтамиз, ҳужумчи янги мавсумда 8 та учрашувда иштирок этди ва 6 бор рақиблари дарвозасини ишғол қилди. Шунингдек, унинг ҳисобида 3 та голли узатма ҳам мавжуд.
ПСЖ «Барселона»га ўз шартини айтди
Парижнинг ПСЖ клуби Неймар учун «Барселона» томонидан жўнатилган таклифларни рад этаётган эди.
«Le Parisien» нашри тарқатган хабарларга қараганда, ПСЖ Неймарни «Реал Мадрид»га сота олмагач, «Барселона»га қарши таклиф билан мурожат қилди.
Унга кўра, Париж клуби Усмон Дембеле, Нелсон Самеду ва 100 миллион евро эвазига Неймарни қўйиб юборишга тайёр эканлигини маълум қилди.
Бугун икки клуб мутасаддилари ушбу мавзу юзасидан Париж шахрида музокаларни давом эттиришади.
«Рома» «Шахтёр» ҳужумчисига қизиқиб қолди
Донетскнинг Шахтёр клуби футболчиси Тайсон ўз фаолиятини Италияда давом эттириши мумкин. Ҳозирда унинг ҳизматлари билан Римнинг «Рома» клуби қизиқиб қолган.
Футболчининг агенти ҳам римликлар томонидан футболчига бўлган эътиборни яшириб ўтирмаяпти. Тайсоннинг агенти маълум қилишича, бразилиялик футболчини Римда шахсан Паоло Фонсеканинг ўзи кўришни истамоқда.
Эслатиб ўтамиз, Фонсека бундан бир неча йил илгари Донетс клубида бош мураббий лавозимида фаолият олиб борган.
«Зенит» «Ренн» футболчисини қўлга киритмоқчи
Санк-Питербургнинг «Зенит» жамоаси трансфер ойнаси ёпилгунига қадар яна бир трансферни амалга ошириши мумкин.
Ҳозирда клуб трансфер нишонида Франциянинг «Ренн» жамоаси ярим ҳимоячиси Клемен Гранье турибди.
Маълум бўлишича, «Зенит» мураббийлари футболчининг «Лига 1» доирасидаги «Страсбур» жамоасига қарши баҳсдаги ҳаракатларини майдондан туриб кузатишган.
Ҳозирда футболчилининг таҳминий трансфер нархи 7,5 миллион еврони ташкил этмоқда.
Санчес «Интер»га ўтишга яқин
«Манчестер Юнайтед» жамоаси ҳужумчиси Алексис Санчес «Интер» жамоасига ўтишга яқин турибди.
«Readfootball» нашри тарқатган хабарларга қараганда, икки клуб футболчининг трансфери борасида тўлиқ келишувга эришиб олди.
Унга кўра, «Интер» жамоаси футболчининг бир мавсумга ижарага олади ва йиллик маошининг 5 миллион еврога тенг қисмини тўлаб берадиган бўлди. Қолган 14 миллион евро эса, «Манчестер Юнайтед»нинг гарданида қолади. Бундан ташқари, «Интер» мавсум сўнгида ҳужумчини 15 миллион евро эвазига харид қилиш ҳуқуқига эга бўлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
