Ushbu rukndagi eng so‘ngi yangiliklar bilan tanishtirishda davom etamiz.
Hames Rodrigez jamoani tark etishi mumkin
«Readfootball» nashri tarqatgan xabarlarga qaraganda, futbolchining hizmatlari bilan Italiyaning «Milan» jamoasi jiddiy qiziqib qolgan.
«Milan» klubi rahbarlari «Ateltiko Madrid» hujumchisi Anhel Koreani qo‘lga kiritishni uddalay olmgach, bor e’tiborini Kolumbiyalik futbolchiga qaratmoqda. Italiya klubi sport direktori hozirda Madrid shaxrida bo‘lib turibdi. Hames borasidagi muzokaralarning natijasi ertaga ma’lum bo‘lishi kutilmoqda. Agarda «Real Madrid» futbolchining transferi borasida kelishuvga erishsa, katta ehtimol bilan Hames o‘z faoliyatini «A seriya»da davom ettiradi.
Ukrainalik hujumchi Rim klublari nishonia
Belgiyaning «Genk» klubi hujumchisi Roman Yarmechuk Rim klublari e’tibor markazida turibdi.
Hozirda «Genk» klubiga bir yo‘la «Roma», «Lasio» jamoalaridan taklif kelib tushgan. Futbol mutaxassislarining fikricha, futbolchi katta ehtimol bilan transfer oynasi yopilish arafasida «Lasio» jamoasiga o‘tadi. Jismonan baquvvat va maydonni yaxshi ko‘ra oladigan xujumchi izlayotgan «burgutlar» ukrainalik futbolchini qo‘ldan chiqarib yubormaslikka urunmoqda.
Hozirda Roman Yarmechukning transfer qiymati 4 million atrofida baholanayotgan bo‘lsada, «Genk» uni 8 milliondan kamiga qo‘yib yubormoqchi emas.
Eslatib o‘tamiz, hujumchi yangi mavsumda 8 ta uchrashuvda ishtirok etdi va 6 bor raqiblari darvozasini ishg‘ol qildi. Shuningdek, uning hisobida 3 ta golli uzatma ham mavjud.
PSJ «Barselona»ga o‘z shartini aytdi
Parijning PSJ klubi Neymar uchun «Barselona» tomonidan jo‘natilgan takliflarni rad etayotgan edi.
«Le Parisien» nashri tarqatgan xabarlarga qaraganda, PSJ Neymarni «Real Madrid»ga sota olmagach, «Barselona»ga qarshi taklif bilan murojat qildi.
Unga ko‘ra, Parij klubi Usmon Dembele, Nelson Samedu va 100 million yevro evaziga Neymarni qo‘yib yuborishga tayyor ekanligini ma’lum qildi.
Bugun ikki klub mutasaddilari ushbu mavzu yuzasidan Parij shaxrida muzokalarni davom ettirishadi.
«Roma» «Shaxtyor» hujumchisiga qiziqib qoldi
Donetskning Shaxtyor klubi futbolchisi Tayson o‘z faoliyatini Italiyada davom ettirishi mumkin. Hozirda uning hizmatlari bilan Rimning «Roma» klubi qiziqib qolgan.
Futbolchining agenti ham rimliklar tomonidan futbolchiga bo‘lgan e’tiborni yashirib o‘tirmayapti. Taysonning agenti ma’lum qilishicha, braziliyalik futbolchini Rimda shaxsan Paolo Fonsekaning o‘zi ko‘rishni istamoqda.
Eslatib o‘tamiz, Fonseka bundan bir necha yil ilgari Donets klubida bosh murabbiy lavozimida faoliyat olib borgan.
«Zenit» «Renn» futbolchisini qo‘lga kiritmoqchi
Sank-Piterburgning «Zenit» jamoasi transfer oynasi yopilguniga qadar yana bir transferni amalga oshirishi mumkin.
Hozirda klub transfer nishonida Fransiyaning «Renn» jamoasi yarim himoyachisi Klemen Granye turibdi.
Ma’lum bo‘lishicha, «Zenit» murabbiylari futbolchining «Liga 1» doirasidagi «Strasbur» jamoasiga qarshi bahsdagi harakatlarini maydondan turib kuzatishgan.
Hozirda futbolchilining tahminiy transfer narxi 7,5 million yevroni tashkil etmoqda.
Sanches «Inter»ga o‘tishga yaqin
«Manchester Yunayted» jamoasi hujumchisi Aleksis Sanches «Inter» jamoasiga o‘tishga yaqin turibdi.
«Readfootball» nashri tarqatgan xabarlarga qaraganda, ikki klub futbolchining transferi borasida to‘liq kelishuvga erishib oldi.
Unga ko‘ra, «Inter» jamoasi futbolchining bir mavsumga ijaraga oladi va yillik maoshining 5 million yevroga teng qismini to‘lab beradigan bo‘ldi. Qolgan 14 million yevro esa, «Manchester Yunayted»ning gardanida qoladi. Bundan tashqari, «Inter» mavsum so‘ngida hujumchini 15 million yevro evaziga xarid qilish huquqiga ega bo‘ladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
