Ушбу рукндаги энг сўнги янгиликлар билан таништиришда давом этамиз.
Райола ўз услибида!
Италиялик машхур футбол агенти Мино Райола «Манчестер Юнайтед» жамоасини огоҳлантирди.
Гап шундаки, италиялик мутаҳассис агарда клуб унинг мижози саналмуш Пол Погбани «Реал Мадрид»га қўйиб юбормаса, футболчи «қизил иблислар» билан шартнома тузишдан бош тортишини расман эълон қилди.
Бундан ташқари, Мино жамоа раҳбарларига футболчини сотиб мўмайгина пул ишлаб олишни маслаҳат берди. Агарда Погба клуб билан шартнома тузишни истамаса, контракт якунлангач, эркин агент сифатида жамоани тарк этиши мумкин. Воқеалар ривожи бундай кўриниш олса, «Манчестер Юнайтед» 100 лимондан ортиқроқ суммага харид қилган футболчисининг трансферидан 1 евро ҳам ишлай олмайди.
«Валенсия» «Лион» ҳимоячиси кўзламоқда
«Кўршапалаклар» 2 ҳафтадан буён «Наполи» ҳимоячиси Элсаид Ҳюсай трансфери борасида музокаралар ўтказаётган бўлсада, ижобиий натижага эриша олмаяпти.
«ТМW» нашри тарқатган хабарларга кўра «Валенсия» трансфер нишонини ўзгартирди ва қолган вақт мобайнида бор эътиборини «Лион» ҳимоячиси Кени Тетега қаратади. Томонлар аллақачон трансфер борасидаги музокарларни бошлаб юборишган. «Лион» ўз ҳимоячиси учун 16 миллион евро талаб қилмоқда. Агарда икки клуб ўзаро келишувга эришса, ҳафта сўнгида яна бир трансфер амалга ошади.
Эслатиб ўтамиз, Тете ўтган мавсумда 13 та учрашувда майдонга тушди ва 3 та голли узатма беришга муваффақ бўлди. Янги мавсумда футболчи 3 бор майдонга тушди ва ҳар сафар ўйинга заҳирадан қўшилди.
«Челси» футболчиси италияга йўл оладими?!
Ангилиянинг «Челси» клуби ҳимоячиси Роберт Кенеди ўз фаолиятини Италиянинг «Сассуоло» клубида давом эттириши мумкин.
Ҳимоячининг ҳизматлари билан Италия клуби жиддий қизиқиб қолган. Ўтган 2 мавсумда «Нюкасл»да ижара асосида тўп сурган ҳимоячи янги мавсумда ҳам асосий жамоадан таклиф олмади ва катта эҳтимол билан яна ижарага йўл олади.
«Сассуоло» жамоаси бу футболчини жароҳат олган Рожерионинг ўрнини эгаллашини мўлжалламоқда.
Эмири Озил борасидаги саволларга нуқта қўйди
«Арсенал» жамоаси бош мураббийи шогирди Месут Ўзилнинг клубда қолиш ёки кетиши борасидаги саволларга жавоб берди.
«Душанба куни ҳаммаси ўз якунига етади. Биз Ўзилни сотиб юбориш ҳақида ўйлаганимиз йўқ. Буни сизлар ўйлаб топтингиз. Биз учун трансфер ойнаси аллақачон ёпилган. Афсуски, бошқа футболчи сотиб олишга бизда маблағ йўқ. бўлган тақдирда ҳам АПЛ учун трансфер ойнаси аллақачон ёпилган. Ўзил жамоада қолади. Монареал борасида бундай дея олмайман.
Ҳозирда Месут ўз устида ишламоқда. Унинг жисмоний ҳолати ҳам анча яхшиланди. Умид қиламанки, у янги мавсумда ўзининг энг кучли ўйинини кўрсата олади» – деб баёнот берди «тўпчилар» мураббийи Унай Эмири
Тухел кутмоқда
ПСЖ жамоаси устози Томас Тухел куни кеча жамоанинг трансфер ойнасидаги аҳволи ва Неймарнинг келажаги борасида интервью берди.
« Неймарнинг трансфери ҳақида бирон нарса дея олмайман. Шундай бўлсада, 2 кун ичида бундай катта трансферни амалга оширишнинг деярли йўқдек туюлмоқда.
Шундай бўлсада, мен 3 сентябрга қадар ҳеч нарсани режалаштирмаяпман. ОчиғИ айнан шу куни қайси футболчи мавсум давомида қўл остимда бўлишини аниқ биламан ва жамоанинг ўйинини тўлиқ тузиб чиқишга имкон бўлади.
Мен шундай катта клубда Неймарнинг трансфери ҳақида ҳеч ким билмган нарсаларни билишимни қандай таҳмин қилиш мумкин. Бизда айнан шу масалада бош қотираётган маҳсус инсонлар мавжуд. Мен унинг клубдан қолишини истайман. Биз жамоамизга янги футболчиларни таклиф этмаймиз. Тўғри қишда ҳаммаси ўзгариши мумкин, лекин ҳозир ҳаммаси ўз жойида»
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
