Бугун 3 апрель, 2025 йил, пайшанба.

Турнир жадвали

Жамоа Ў О
1 Ливерпуль 30 73
2 Арсенал 30 61
3 Ноттингем Форест 30 57
4 Манчестер Сити 30 51
5 Ньюкасл 29 50
6 Челси 29 49
7 Астон Вилла 30 48
8 Брайтон 30 47
9 Фулхэм 30 45
10 Борнмут 30 44
11 Брентфорд 30 41
12 Кристал Пэлас 29 40
13 Ман. Юнайтед 30 37
14 Тоттенхэм 29 34
15 Эвертон 30 34
16 Вест Хэм 30 34
17 Вулверхэмптон 30 29
18 Ипсвич 30 20
19 Лестер 30 17
20 Саутгемптон 30 10

Ўтган ўйинлар. 30-тур

30-тур Вулверхэмптон 1-0 Вест Хэм
30-тур Арсенал 2-1 Фулхэм
30-тур Ноттингем Форест 1-0 Ман. Юнайтед
30-тур Брайтон 0-3 Астон Вилла
30-тур Саутгемптон 1-1 Кристал Пэлас
30-тур Манчестер Сити 2-0 Лестер
30-тур Ньюкасл 2-1 Брентфорд
30-тур Борнмут 1-2 Ипсвич
30-тур Ливерпуль 1-0 Эвертон

Навбатдаги ўйинлар. 29-тур

16/04 23:30 Ньюкасл - Кристал Пэлас

Сўровнома

  • Ўзбекистоннинг қаеридансиз?

  • Натижалар | Жами овоз: 20170 та.
  • Сўровномалар архиви

ТВ дастурлар

Блогдаги ўзгаришлар

Теглар булути

Хабарлар архиви

ОФК делегацияси Ўзбекистон футбол ассоциацияси раҳбарияти билан учрашди

Баҳо:
+ | -
ЎЗБЕК ФУТБОЛИ / Расмий тадбирлар / Учрашувлар
Рукн: Янгиликлар
A A A

Осиё футбол конфедерацияси Президенти Шайх Салмон бин Иброҳим ал-Халифа Ўзбекистон футбол ассоциациясига ташриф буюрди.

Мартабали меҳмонни Ўзбекистон футбол ассоциацияси президенти Абдусалом Азизов, ЎФА биринчи вице-президенти Равшан Эрматов, Ўзбекистон республикаси жисмоний тарбия ва спорт вазири Дилмурод Набиев ҳамда вазирнинг биринчи ўринбосари Ойбек Касимов кутиб олишди.

Дастлаб, ЎФА қошидаги майдонда ёш футболчилар билан учрашув бўлиб ўтди ва уларга меҳмонлар томонидан футбол тўплари совға тариқасида тақдим этилди. Шундан сўнг ОФК ва ЎФА раҳбариятининг ўзаро мулоқоти бўлиб ўтди.

Дастлаб, ЎФА Президенти Абдусалом Азизов сўзга чиқиб, меҳмонларнинг юртимизга ташрифидан мамнун эканлигини билдирди:

“Жаноб, Шайх Салмон бин Иброҳим ал-Халифа, Ўзбекистонга хуш келибсиз! Сизни гўзал диёримизда кўриб турганимиздан бағоят хурсандмиз. Энг аввало сизга Осиё футболи ривожи йўлида амалга ошираётган муваффақиятли фаолиятингиз учун миннатдорчилик билдириб ўтмоқчиман. Ҳозирги кунга келиб ОФК дунёнинг энг катта ва салмоқли спорт ташкилотларидан бирига айланган. Ўзбекистон футбол ассоциацияси ОФКнинг ҳар қандай ташаббуслари ва лойиҳаларини қўллаб-қувватлайди ва ҳамкорлик қилиш истагини билдиради.

Ўзбекистонда футболни жуда яхши кўришади. Ана шу мухлислар учун ҳам биз футболимизни янги босқичга олиб чиқишимиз, ғалабаларни қайтаришимиз керак.

Бундан ташқари, мамлакатимиз Осиё футболидаги йирик турнирларни ҳам қабул қилиш учун ҳаракатларни бошлаб юборган. Биз 2020 йилдаги ёшлар ўртасидаги Осиё чемпионати ва 2022 йилги аёллар ўртасидаги Осиё кубоги мезбонлигига ўз номзодимизни қўйганмиз. Агар мусобақалар бизга ишониб топширилса, уларни энг юқори савияда ўтказиш учун бор салоҳиятимизни ишга соламиз”, дея таъкидлади Абдусалом Азизов.

Ўз навбатида Шайх Салмон ҳам Ўзбекистон билан ҳамкорлик Осиё футбол конфедерацияси учун қанчалик муҳим эканлигини таъкидлаб ўтди:

“Бизга кўрсатилаётган эътибор учун сизга ва меҳмондўст ўзбек халқига миннатдорчилик билдириб ўтмоқчиман. ОФК Ўзбекистонни ўзининг энг ишончли ҳамкорларидан бири деб билади. Юртингизда футболга Давлат раҳбарияти даражасида эътибор қаратилиши ва ўзбек халқи футболни қанчалик яхши кўришини биз жуда яхши биламиз ва бундан хурсандмиз. Бундай мамлакатлар Осиё қитъасида футболнинг оммалашиши ва ривожланишида катта ўрин тутишади. Мен гўзал юртингизга тўртинчи бор ташриф буюрдим. Ҳар сафар ушбу мамлакатнинг салоҳияти ва футболдаги имкониятлари қанчалик юқори эканлигини ўзим учун қайд этиб ўтаман. Бу сафарги ташрифим алоҳида аҳамият касб этади. Биринчи навбатда сиз билан танишиш имконияти пайдо бўлди. Кўриб турибманки, бу ерда хақиқий профессионаллар ва ўз ишининг фидоийлари йиғилган. Менинг таклифим муносабатларнинг янги саҳифасини очишдан иборат ва мулоқотимизни самимий, дўстона ва тўлиқ ишонч асосда йўлга қўйишдан иборат. Чунки айнан дўстлик ва ишонч ўзаро манфаатли ҳамкорликнинг муваффақият калити ҳисобланади. Ёшлар ўртасидаги қитъа биринчилиги ва аёллар ўртасидаги Осиё кубоги бўйича тез фурсат ичида ОФК делегациясини юборамиз ва ўз тавсияларимизни берамиз. Биз, шунингдек, Ўзбекистоннинг кадрлар салоҳиятидан конфедерациямизда ҳам фойдаланиш ниятидамиз. Шу сабабли ҳам сизнинг тавсиянгизга асосланган ҳолда ўзбекистонлик мутахассисларни турли қўмита аъзолигига бажонидил қабул қилишга тайёрмиз. Осиё футболининг энг таниқли шахсларидан бири Равшан Эрматов ушбу жамоа аъзоси эканлиги бизни алоҳида қувонтирмоқда. Эрматовнинг тажрибаси нафақат ўзбек футболига, балки Осиё футболига жуда керак. У жаҳон футболида бизнинг қитъамиз юзи ҳисобланади ва Осиё футболининг ҳалол ўйин борасидаги элчиси деб бемалол айта оламан. Ижозатингиз билан ОФК ва ЎФА ўртасидаги бевосита мулоқотни йўлга қўйсак ва футбол ривожи йўлида бамаслаҳат иш тутсак. Менинг ташрифимдан асосий мақсад ҳам шу”, дея таъкидлади Шайх Салмон бин Иброҳим ал-Халифа.

ЎФА томонидан режалаштирилаётган терма жамоалар учун база бўлиши мулжалланаётган футбол маркази лойиҳаси ҳақида аввал хабар берган эдик. Учрашув давомида ОФК Президентига ушбу лойиҳа намойиш этилди. Шайх Салмон лойиҳага юқори баҳо берди ва ФИФАнинг футболни ривожлантириш қўмитаси масъулларидан бири сифатида ушбу ташкилотни ҳам лойиҳани қўллаб-қувватлашга чақиришини айтиб ўтди.
 
Мулоқот давомида томонлар ўзаро ҳамкорлик доирасида яна кўплаб долзарб масалаларни мухокама қилдилар ҳамда юртимиз ва қитъа футболи манфаатларига хизмат қилишга қаратилган келишувларга эришдилар.
 
Учрашув сўнгида Шайх Салмон бин Иброҳим ал-Халифа ҳамда Абдусалом Азизов эсдалик нишонлари билан алмашишди ва илиқ, дўстона мулоқот учун ўзаро миннатдорчилик билдириб ўтишди.

Манба: ufa.uz
Киритилди: 17:33, 16.09.2019. Ўқилди: 3045 марта. Фикрлар: 1 та.

Матнда хатолик топсангиз, ўша хатони белгилаб, бизга жўнатинг (Ctrl + Enter).


Биласизми, “Реал”нинг тирик афсонаси Раул Европа Чемпионлар лигасининг кетма-кет 14 та мавсумида гол ура олган ягона футболчи саналади.

Тўпурарлар жадвали

Футболчи Гол
1 Ливерпуль Муҳаммад Салоҳ 27
2 Манчестер Сити Эрлинг Холанд 21
3 Ньюкасл Александер Исак 20
4 Ноттингем Форест Крис Вуд 18
5 Брентфорд Бриан Мбемо 16
6 Брентфорд Йоан Висса 14
7 Челси Коул Палмер 14
8 Вулверхэмптон Матеус Кунья 13
9 Астон Вилла Олли Уоткинс 13
10 Кристал Пэлас Жан-Филипп Матета 12

Сўнгги хабарлар

Бошқа хабарлар →

Конференция

Қаҳрамон Асланов

Онлайн савол-жавоб


Шуҳрат Шокиржонов

Фақат футбол ҳақида


Шерзод Ражабов

Кучли Бешлик


Ҳасанали Қодиров

Онлайн савол-жавоб


барча конференциялар »
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.