Москванинг “Спартак” клуби душанба куни Доменико Тедескони бош мураббий сифатида таништирди.
— Янги бош мураббий ҳақида директорлар кенгаши ва клуб акционерлари билан маслаҳатлашдик, — деди клуб бош директори Томас Цорн. — Доменико бизнинг биринчи танловимиз бўлди. Мен унга катта ишонч билдираман.
— Янги бош мураббий олдига қандай вазифа қўйдингиз? — Цорнга савол.
— Қандайдир мақсад ёки вазифа ҳақида гапиришга бироз эрта. Мураббий жамоани энди қабул қилиб олди. Дастлаб у жамоа билан танишиб чиқиши керак, иқтидорли футболчилар ҳақида маълумотга эга бўлиши керак. Ҳозир мақсад ҳақида очиқ гапиришни пайти эмас, чунки, даставвал мураббийлар ва футболчиларга бўлаётган босимни йўқ қилишимиз керак.
— Агар нимадир нотўғри кетса жавобгарликни бош мураббий билан биргаликда бўлишишга тайёрмисиз?
— Бу саволни директорлар кенгаши ва клуб акционерларига берганингиз маъқул. Ким қандай жавобгарликни бўйнига олишини улар ҳал қилишади.
Кейинги кўплаб саволларга Тедеско жавоб беришни бошлади.
— “Спартак”дек буюк клуб бош мураббийи этиб тайинланиш мен учун шараф, — дея ўз сўзини бошлади Доменико. — «Спартак» — буюк тарих. Ҳозир менда қизиқарли вазият: жамоа билан танишаман ва бу мени хурсанд қилади.
— Сизни нима кўпроқ Россияга жалб қилди?
— Бу ерда далиллар кўп. Менга Москва ва шаҳардаги муҳит ёқди. Клуб раҳбарияти билан олиб борган музокарамиз ҳам муҳим.
— Леонид Федун билан гаплашдингизми?
— Бизда бир марта учрашув бўлди; яхши мулоқот бўлди, менга мана шу муҳим эди. Ишонч билдиргани учун клуб раҳбариятига раҳмат айтмоқчиман. «Спартак»нинг хизматлари ҳаммага маълум, лекин ҳозир бугунги кун билан яшаб, келажак ҳақида ўйлаш керак. Раҳбарият билан мулоқот пайтида қандайдир ўринни эгаллаш кераклиги ҳақида ўйламасликка келишиб олдик. Биз ўйинимизни барқарорлаштиришимиз керак, кейин қандай қилиб етакчи мавқега эга бўлишимиз ҳақида ўйласак бўлади. Жамоа катта имкониятларга эга, юқори мақсадлар сари босқичма-босқич қадам ташлаймиз.
— «Шальке» Сизнинг қўл остингизда жуда оддий футбол ўйнади — тўпни эгаллаши билан қарши ҳужумга ўтди. «Спартак» клубида ҳам шундай бўладими?
— Йўқ, биз бошқа услубни танлаймиз. «Шальке» клубига келсак, у турли хил ўйинлар, тактик вариантлар кўп эди.
— “Спартак” қандай схема остида ўйнайди?
— Биз турли хил услубларни кўриб чиқамиз, учта марказий ҳимоячи билан ҳам ўйнашимиз мумкин: бизда Жиго, Жикия, Краллар бор. Айримги омилларга қараб ўйин услубимизни танлаймиз.
— «Спартак» жамоасига ўз услубингизни сингдириш учун қанча муддат керак бўлади?
— Қиш танаффусгача кўпроқ очколарни қўлга киритишга ҳаракат қиламиз. Ҳозир суҳбатлашиб ўтирадиган пайт эмас. Футболчиларга ишочни қайтариш керак. Шундагина қишки ўқув йиғин машғулотларида ишлаш учун бизда вақт бўлади.
— Қайси бирини танлаган бўлардингиз —1:0 ёки 4:3?
— Кўп гол бўлган ўйинлар доим яхши бўлиб келган. Самарали футболдан доим баҳра олганман.
— Агар Сиздан ўзингизни бир сўз билан тасвирлаб беришларини сўрашса нима деган бўлардингиз?
— Жонглерчи.
— Жамоадаги дастлабки машғулот Сизда қандай тасаввур ўйғотди?
— Биринчи машғулотда футболчиларнинг кучли ва кучсиз тарафларини билиб олиш қийин вазифа. Қолаверса, кўплаб футболчилар ўз терма жамоалари таркибидан клуб ихтиёрига қайтиб келишмади. Мен футболчиларнинг қандай руҳиятда эканлигига қарайман.
— “Спартак” жамоасини қабул қилиб олгунингизга қадар Шюррледан ташқари қайси футболчиларни билардингиз?
— Мен Жаҳон Чемпионати ва Европа чемпионати саралаш босқичларини кузатдим. Шу сабабли, Россия терма жамоаси таркибидаги “Спартак” футболчиларини биламан. Масалан Бакаев Жикий.Легионер футболчилардан Понса, Ларссон, Тилелар ҳақида эшитганман.
— «Шальке» Хёведесни сардорлик боғичидан маҳрум қилганман. Жикий хавотирланишни бошлайверсинми?
— Ҳаётда ҳар хил воқеалар бўлиб туради, бунга эътибор қаратмаган маъқул. Жикий хавотирланмаса ҳам бўлаверади.
— Сиздан ёши катта футболчиларга қандай муносабатда бўласиз?
— Ёш — асосийси эмас.
— Жамоага таржимон орқали мурожаат қилишингиз муаммо келтириб чиқармайдими?
— Таржимон билан ишлашим муаммо эмас. Бунга кўникиш керак, шунда ҳаммаси яхши бўлади.
— «Спартак» Россия Кубогини қўлга киритиши қанчалар муҳим?
— Яқинда Кубок ўйинида “Ростов”га қарши баҳс олиб борамиз. Бироқ, унгача биз чемпионат доирасида бўлиб ўтадиган “Рубин” жамоасига қарши тайёргарлик кўришимиз керак. Биз учун барча турнир муҳим, жумладан Кубок ҳам.
— “Спартак” жамоасида доим бош мураббийга юқори босим ўтказилади. Сиз бунга тайёрмисиз?
— Босим мен учун — мавзу эмас. Тушунаман, жамоа кетма-кет мағлубиятга учраганидан кейин атрофда мухит яхши эмас. Мен ишлашга тайёрман!
— Сизнинг «Шальке» мухлислари билан муносабатларингиз аъло даражада эди. «Спартак» мухлислари билан ҳам шундай муносабат бўладими?
— Ўзимни «Шальке» клубига бағишлаганим сир эмас. «Спартак» ва «Шальке» клубларининг кўплаб ўхшаш жиҳатларини кўриш мумкин — анъана, қўллаб-қувватлаш ва мухлислик маданияти. Бундан даражадаги клубларда ишлаш шарафдир.
— Рус тилини ўрганишни бошлайсизмин?
— Мен билан тилларнинг рус тилига умуман алоқаси йўқ. Рус тилини ўрганишга бўлган иштиёқим баланд. Ўйлайманки, қачонлардир рус тилида гаплаша оламан.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
