Италия чемпионатининг 15-тури доирасида марказий ўйин Римдаги "Олимпико"ни стадионида бўлиб ўтди. "Лацио"га қарши ўйинда "Ювентус" мавсумда илк марта мағлубиятга учради.
Биринчи бўлим ўрталарида Криштиану Роналду яқин масофадан дарвозани ишғол қилиб, жамоасини олдинга олиб чиқди. Биринчи бўлимга қўшиб берилган дақиқаларда юқоридан етказилган узатмани Луис Фелипе бош билан "Юве" дарвозасига буриб юборди — 1:1.
Баҳснинг 69-дақиқасида эса ўйин тақдирига таъсир кўрсатган воқеа юз берди. Туринликлар ҳимоячиси Куадрадо тўпга ўйнамоқчи бўлиб дарвозабон билан яккама-якка вазиятга чиқаётган рақиб ҳужумчисини тўхтатди. Ҳакам дастлаб унга сариқ карточка берган эди. Аммо VARнинг маслаҳати билан рефери ўз қарорини тўғридан-тўғри қизил карточкага айлантирди. Бу вазиятда Куадрадонинг оёғи тўпга тегмаган эди.
Орадан кўп ўтмасдан олис масофадан етказилган узатмани Милинкович-Савич рақиб дарвозаси олдида ўзига бўйсундирди ва дарвозани ишғол қилди. Орадан 5 дақиқа ўтиб "Ювентус" дарвозаси томон пенальти белгиланди: Шчесни ўз жарима майдони ичида ҳужумчини йиқитди. Войцехнинг ўзи Иммобиле томонидан 11 метрли жаримадан йўлланган зарбани нафақат қайтарди, балки ҳужумчининг такрорий зарбасини ҳам бартараф этишга муваффақ бўлди.
Иккинчи бўлимга қўшиб берилган дақиқаларда римликларнинг 3 нафар футболчиси ёлғиз дарвозабонга қарши чиқиб боришди. Шчесни дастлабки зарбани қайтарди. Қайтган тўпни Кайседо эгаллади ва кучли зарба билан дарвозага жойлади.
Шу тариқа, "Ювентус" мавсумда илк марта мағлубият аламини тортди ва жадвалда 2-ўринда қолди.
Италия чемпионати, 15-тур
Лацио – Ювентус 3:1 (1:1, 2:0)
Голлар: 0:1 – 25 Роналду, 1:1 – 45+1 Луис Фелипе, 2:1 – 74 Милинкович-Савич, 3:1 – 90 Кайседо.
Ноаниқ пенальти: Иммобиле (79, дарвозабон)
Лацио – Стракоша, Луис Фелипе, Раду, Ачерби, Лаццари, Лулич, Милинкович-Савич (Кайседо, 90), Лейва, Луис Альберто (Пароло, 75), Корреа, Иммобиле (Катальди, 85).
Ювентус – Шченсни, Бонуччи, де Лигт, Алекс Сандро, Матюиди, Куадрадо, Бентанкур (Джан, 41), Пьянич, Бернардески (Данило, 71), Роналду, Дибала (Игуаин, 79).
Огоҳлантиришлар: Луис Альберто (6), Пьянич (11), Дибала (37), Лаццари (63), Шченсни (77), Лейва (86), Кайседо (90).
Четлатиш: Куадрадо (69).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
