Italiya chempionatining 15-turi doirasida markaziy o‘yin Rimdagi "Olimpiko"ni stadionida bo‘lib o‘tdi. "Lasio"ga qarshi o‘yinda "Yuventus" mavsumda ilk marta mag‘lubiyatga uchradi.
Birinchi bo‘lim o‘rtalarida Krishtianu Ronaldu yaqin masofadan darvozani ishg‘ol qilib, jamoasini oldinga olib chiqdi. Birinchi bo‘limga qo‘shib berilgan daqiqalarda yuqoridan yetkazilgan uzatmani Luis Felipe bosh bilan "Yuve" darvozasiga burib yubordi — 1:1.
Bahsning 69-daqiqasida esa o‘yin taqdiriga ta’sir ko‘rsatgan voqea yuz berdi. Turinliklar himoyachisi Kuadrado to‘pga o‘ynamoqchi bo‘lib darvozabon bilan yakkama-yakka vaziyatga chiqayotgan raqib hujumchisini to‘xtatdi. Hakam dastlab unga sariq kartochka bergan edi. Ammo VARning maslahati bilan referi o‘z qarorini to‘g‘ridan-to‘g‘ri qizil kartochkaga aylantirdi. Bu vaziyatda Kuadradoning oyog‘i to‘pga tegmagan edi.
Oradan ko‘p o‘tmasdan olis masofadan yetkazilgan uzatmani Milinkovich-Savich raqib darvozasi oldida o‘ziga bo‘ysundirdi va darvozani ishg‘ol qildi. Oradan 5 daqiqa o‘tib "Yuventus" darvozasi tomon penalti belgilandi: Shchesni o‘z jarima maydoni ichida hujumchini yiqitdi. Voysexning o‘zi Immobile tomonidan 11 metrli jarimadan yo‘llangan zarbani nafaqat qaytardi, balki hujumchining takroriy zarbasini ham bartaraf etishga muvaffaq bo‘ldi.
Ikkinchi bo‘limga qo‘shib berilgan daqiqalarda rimliklarning 3 nafar futbolchisi yolg‘iz darvozabonga qarshi chiqib borishdi. Shchesni dastlabki zarbani qaytardi. Qaytgan to‘pni Kaysedo egalladi va kuchli zarba bilan darvozaga joyladi.
Shu tariqa, "Yuventus" mavsumda ilk marta mag‘lubiyat alamini tortdi va jadvalda 2-o‘rinda qoldi.
Italiya chempionati, 15-tur
Lasio – Yuventus 3:1 (1:1, 2:0)
Gollar: 0:1 – 25 Ronaldu, 1:1 – 45+1 Luis Felipe, 2:1 – 74 Milinkovich-Savich, 3:1 – 90 Kaysedo.
Noaniq penalti: Immobile (79, darvozabon)
Lasio – Strakosha, Luis Felipe, Radu, Acherbi, Lassari, Lulich, Milinkovich-Savich (Kaysedo, 90), Leyva, Luis Alberto (Parolo, 75), Korrea, Immobile (Kataldi, 85).
Yuventus – Shchensni, Bonuchchi, de Ligt, Aleks Sandro, Matyuidi, Kuadrado, Bentankur (Djan, 41), Pyanich, Bernardeski (Danilo, 71), Ronaldu, Dibala (Iguain, 79).
Ogohlantirishlar: Luis Alberto (6), Pyanich (11), Dibala (37), Lassari (63), Shchensni (77), Leyva (86), Kaysedo (90).
Chetlatish: Kuadrado (69).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
