Ҳадемай қишки трансферлар ойнаси ҳам очилишидан хабарингиз бор. Айни дамда, янги трансферлар борасидаги музокалар бошланиб кетган. Бугун футбол бозоридаги энг сўнгги янгиликлар билан таништириб ўтамиз.
Ҳамес Родригес
Колумбиялик футболчи “Реал Мадрид”га қайтган бўлсада, жамоага мослашиб кетишни уддалай олмади. Зайниддин Зиданнинг режаларида йўқлиги боис, заҳира футболчисига тўлиқ айланиб бўлди. Футболчининг ўзи кариерасини қайта ишга тушириш учун қишда Мадридни тарк этмоқчи эканлигини яшириб ўтирмаяпти. “CalcioMercato” нашри тарқатган хабарларга қараганда, Ҳамес ўз фаолиятини Лондоннинг “Тоттенҳем” жамоасида давом эттириши мумкин. Нашр берган маълумотларга кўра, клуб Ҳамесни Эриксоннинг трансферига қўшмоқчи.
Япониялик ҳужумчи “Ливерпуль” нигоҳида
Айни дамда “Залзбург” клубида жавлон ураётган япониялик ҳужумчи Такуми Минамино “Ливерпуль” жамоаси нигоҳида турибди.
“The Telegraf” нашри берган маълумотларга суянадиган бўлсак, ушбу трансфер билан шаҳсан Юрген Клоппнинг ўзи қизиқиб қолган. Ҳозирча Япония терма жамоаси аъзоси борасида ҳеч қандай таклиф жўнатилганича йўқ, лекин “Ливерпуль” раҳбарияти бу масалани албатта кўриб чиқиши аниқ. ушбу трансфер бўйича Юрген Клопп ҳам ўз фикрларини билдириб ўтди: “Ҳозирча бу трансфер борасида ҳеч нарса демоқчи эмасман. Бу борада жамоадаги барча муаммоларга ечиб топгачгина сўзлашим мумкин. У жуда ажойиб футболчи. Айни дамда ушбу трансфер бўйича айтишим мумкин бўлган сўз мана шундан иборат”
Eслатиб ўтамиз, аввалроқ “Ливепрул” футболчи учун 9 миллион евро таклиф қилган, “Залзбург” эса, ўз ҳужумчисини 12 миллиондан камига сотмоқчи эмаслиги боис трансфер амалга ошмаган эди.
Eден Азар “Челси”га қайтмоқчи
Мадриднинг “Реал” жамоаси ҳужумчиси Эден Азар “Челси”га тез орада қайтмоқчи эканлигни маълум қилди.
Бу ҳақида футболчининг ўзи таниқли британиялик ишбилармон Френк Ҳалид билан бўлган суҳбат давомида айтиб ўтган. “Readfootball” нашри берган маълумотларга қараганда, белгиялик футболчи Мадриддаги ишларни якунлагач, яна Лондонга боришини маълум қилган. Футболчининг дўсти Френк Ҳалиднинг айтишича, Эден Мадридда бахтли эмас ва у Лондонга қайтиш иштиёқида ёнмоқда. Боз устига, айни дамда “Челси”дан трансфер таъқиқи олиб ташланган ва футболчи собиқ жамоасидан таклиф кутмоқда.
Eслатиб ўтамиз, Эден Азар ёзда “Реал Мадрид” сафига бориб қўшилган ва Криштияну Роналдунинг ўрнини эгаллаши кутилган эди. Ҳозирча 7-рақамнинг янги эгаси бу ишни уддасидан чиққанича йўқ.
“Атлетико” Саулнинг нархини эълон қилди
Испания футболини ёритиб борувчи “TheTelegraf” нашри тарқатган хабарларга қараганда, “Атлетико Мадрид” ўз етакчиси Саул билан хайрлашишга тайёр.
Диего Симионе жамоага янги қон қуйиш учун етакчиларни сотишга ҳам тайёр кўринади. Гап шундаки, клуб Саул борасидаги барча таклифларни кўриб чиқишга тайёр эканлигини маълум қилди. Бундан ташқари, ярим ҳимоячининг тавол 125 миллион еврони ташкил қилсада, уни 85 миллион евро эвазига ҳам қўйиб юбориши мумкинлиги аниқ бўлди. Ҳозирча футболчи фаолиятини қаерда давом эттириши ҳақида расмий маълумотлар йўқ, лекин унинг ҳизматлари билан “Тоттенҳем”, “Манчестер Юнайтед” ва “Бавария” клублари қизиқиб қолган.
Eслатиб ўтамиз, Саулнинг “матрасчилар” билан тузган шартномаси 2026-йилга қадар мўлжалланган бўлиб, унинг бандларига кўра, Саул ўзи истаган пайтда клубни тарк этиш ҳуқуқига эга.
“Лестер” ҳеч кимни сотмоқчи эмас
Айни дамда АПЛ пойгасида иккинчи ўринда кетаётган “тулкилар” бош мураббийи мухлисларни қийнаётган саволларга жавоб берди. Унга кўра, қишки трансферлар чоғида жамоани ҳеч ким тарк этмаслиги аниқ бўлиб улгурди. Шу кунга қадар, Британия нашрлари “Лестер” футболчилари Бен Чилвел ва Жеймс Медисонларнинг трансфери ҳақидаги миш-мишларни урчитиб юборишга улгурган бўлсада, барчаси ёлғон бўлиб чиқди. “SkySport” нашри берган маълумотларга қараганда, клуб томонидан қабул қилинган бу қарорни шаҳсан Бренден Рожерснинг талаби экан. Бош мураббий ўз футболчиларни жамоада сақлаб қолиш эвазига трансферлар учун ортиқча бир евро ҳам олмасликка ҳам рози бўлган.
Eслатиб ўтамиз, айни дамда “Лестер” “Манчестер Сити”дан 6 очко олдинда бормоқда. 1-ўриндаги “Ливерпуль”дан эса, 8 очко ортда. Тўпурарлар пойгасида Жейми Варди 16 та гол билан етакчиликни ўз қўлига олган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
