Hademay qishki transferlar oynasi ham ochilishidan xabaringiz bor. Ayni damda, yangi transferlar borasidagi muzokalar boshlanib ketgan. Bugun futbol bozoridagi eng so‘nggi yangiliklar bilan tanishtirib o‘tamiz.
Hames Rodriges
Kolumbiyalik futbolchi “Real Madrid”ga qaytgan bo‘lsada, jamoaga moslashib ketishni uddalay olmadi. Zayniddin Zidanning rejalarida yo‘qligi bois, zahira futbolchisiga to‘liq aylanib bo‘ldi. Futbolchining o‘zi kariyerasini qayta ishga tushirish uchun qishda Madridni tark etmoqchi ekanligini yashirib o‘tirmayapti. “CalcioMercato” nashri tarqatgan xabarlarga qaraganda, Hames o‘z faoliyatini Londonning “Tottenhem” jamoasida davom ettirishi mumkin. Nashr bergan ma’lumotlarga ko‘ra, klub Hamesni Eriksonning transferiga qo‘shmoqchi.
Yaponiyalik hujumchi “Liverpul” nigohida
Ayni damda “Zalzburg” klubida javlon urayotgan yaponiyalik hujumchi Takumi Minamino “Liverpul” jamoasi nigohida turibdi.
“The Telegraf” nashri bergan ma’lumotlarga suyanadigan bo‘lsak, ushbu transfer bilan shahsan Yurgen Kloppning o‘zi qiziqib qolgan. Hozircha Yaponiya terma jamoasi a’zosi borasida hech qanday taklif jo‘natilganicha yo‘q, lekin “Liverpul” rahbariyati bu masalani albatta ko‘rib chiqishi aniq. ushbu transfer bo‘yicha Yurgen Klopp ham o‘z fikrlarini bildirib o‘tdi: “Hozircha bu transfer borasida hech narsa demoqchi emasman. Bu borada jamoadagi barcha muammolarga yechib topgachgina so‘zlashim mumkin. U juda ajoyib futbolchi. Ayni damda ushbu transfer bo‘yicha aytishim mumkin bo‘lgan so‘z mana shundan iborat”
Eslatib o‘tamiz, avvalroq “Liveprul” futbolchi uchun 9 million yevro taklif qilgan, “Zalzburg” esa, o‘z hujumchisini 12 milliondan kamiga sotmoqchi emasligi bois transfer amalga oshmagan edi.
Eden Azar “Chelsi”ga qaytmoqchi
Madridning “Real” jamoasi hujumchisi Eden Azar “Chelsi”ga tez orada qaytmoqchi ekanligni ma’lum qildi.
Bu haqida futbolchining o‘zi taniqli britaniyalik ishbilarmon Frenk Halid bilan bo‘lgan suhbat davomida aytib o‘tgan. “Readfootball” nashri bergan ma’lumotlarga qaraganda, belgiyalik futbolchi Madriddagi ishlarni yakunlagach, yana Londonga borishini ma’lum qilgan. Futbolchining do‘sti Frenk Halidning aytishicha, Eden Madridda baxtli emas va u Londonga qaytish ishtiyoqida yonmoqda. Boz ustiga, ayni damda “Chelsi”dan transfer ta’qiqi olib tashlangan va futbolchi sobiq jamoasidan taklif kutmoqda.
Eslatib o‘tamiz, Eden Azar yozda “Real Madrid” safiga borib qo‘shilgan va Krishtiyanu Ronalduning o‘rnini egallashi kutilgan edi. Hozircha 7-raqamning yangi egasi bu ishni uddasidan chiqqanicha yo‘q.
“Atletiko” Saulning narxini e’lon qildi
Ispaniya futbolini yoritib boruvchi “TheTelegraf” nashri tarqatgan xabarlarga qaraganda, “Atletiko Madrid” o‘z yetakchisi Saul bilan xayrlashishga tayyor.
Diyego Simione jamoaga yangi qon quyish uchun yetakchilarni sotishga ham tayyor ko‘rinadi. Gap shundaki, klub Saul borasidagi barcha takliflarni ko‘rib chiqishga tayyor ekanligini ma’lum qildi. Bundan tashqari, yarim himoyachining tavol 125 million yevroni tashkil qilsada, uni 85 million yevro evaziga ham qo‘yib yuborishi mumkinligi aniq bo‘ldi. Hozircha futbolchi faoliyatini qayerda davom ettirishi haqida rasmiy ma’lumotlar yo‘q, lekin uning hizmatlari bilan “Tottenhem”, “Manchester Yunayted” va “Bavariya” klublari qiziqib qolgan.
Eslatib o‘tamiz, Saulning “matraschilar” bilan tuzgan shartnomasi 2026-yilga qadar mo‘ljallangan bo‘lib, uning bandlariga ko‘ra, Saul o‘zi istagan paytda klubni tark etish huquqiga ega.
“Lester” hech kimni sotmoqchi emas
Ayni damda APL poygasida ikkinchi o‘rinda ketayotgan “tulkilar” bosh murabbiyi muxlislarni qiynayotgan savollarga javob berdi. Unga ko‘ra, qishki transferlar chog‘ida jamoani hech kim tark etmasligi aniq bo‘lib ulgurdi. Shu kunga qadar, Britaniya nashrlari “Lester” futbolchilari Ben Chilvel va Jeyms Medisonlarning transferi haqidagi mish-mishlarni urchitib yuborishga ulgurgan bo‘lsada, barchasi yolg‘on bo‘lib chiqdi. “SkySport” nashri bergan ma’lumotlarga qaraganda, klub tomonidan qabul qilingan bu qarorni shahsan Brenden Rojersning talabi ekan. Bosh murabbiy o‘z futbolchilarni jamoada saqlab qolish evaziga transferlar uchun ortiqcha bir yevro ham olmaslikka ham rozi bo‘lgan.
Eslatib o‘tamiz, ayni damda “Lester” “Manchester Siti”dan 6 ochko oldinda bormoqda. 1-o‘rindagi “Liverpul”dan esa, 8 ochko ortda. To‘purarlar poygasida Jeymi Vardi 16 ta gol bilan yetakchilikni o‘z qo‘liga olgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
