Роналду Мессидан ўзиб кетиб, рекордни янгилади
«Ювентус» ҳужумчиси Криштиану Роналду Италия чемпионатининг 16-тури доирасида «Удинезе»га қарши бўлиб ўтган ўйинда "дубл"га эришди. Шу тариқа, португалиялик футболчининг ушбу мавсумда "кекса синьора" сафида барча мусобақалар доирасида урган голлари сони 11тага етди.
Роналду кетма-кет 15 мавсумдан бери клуб даражасида ҳар йили камида 10та гол ураётган биринчи футболчига айланди. «Барселона» ҳужумчиси Лионель Месси бундай натижани кетма-кет 14та мавсумда уддалаган.
Фақат миллий чемпионатлар доирасидаги голларни ҳисоблаганда эса Роналду кетма-кет 13та мавсумдан бери камида 10та гол урмоқда. У Италия А сериясида яна битта тўп киритса, бундай серияни 14та мавсумга етказади ва бу борада Месси билан тенглашиб олади.
Манба: bombardir.ru
Киритилди: 23:47, 15.12.2019. Ўқилди: 20267 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар